________________
१८९
तृतीयं चतुरङ्गीयाध्ययनम्
एवं पक्षद्वयस्यापि दत्त्वा शिक्षा समाधिना । द्यामलञ्चक्रिरे भक्तं प्रत्याख्यायाथ सूरयः ॥३४|| श्रुत्वा वृत्तमदो गोष्ठामाहिलोऽपि समागमत् । अहं घृतघटोऽकारीतीर्ण्ययाऽस्थात् पृथक् क्वचित् ॥३५।। आगाच्चर्योपलम्भायोपाश्रयं सर्वसाधुभिः ।। नत्वाऽभ्युत्थाय सोऽभाषि तिष्ठतात्रैव किं न हि ? ॥३६॥ मानान्नास्थाद् बहिस्तिष्ठन् मुनीनपवदन् गुरून् । स व्युद्ग्राहयते नालं तान् व्युद्ग्राहयितुं परम् ॥३७|| अभिमानाद् गुरोर्व्याख्यामशृण्वन्नुत्थितेष्वथ । साधुष्वधीत्य वन्ध्यस्याशृणोत् चिन्तनिकां तदा ॥३८॥ अन्यदा कर्मप्रवादाष्टमपूर्वानुभाषणम् । वन्ध्यस्य कुर्वतोऽश्रौषीद् विचारं कर्मगोचरम् ॥३९।। शुष्ककुड्ये शुष्कचूर्णमिवेर्यापथहेतुकम् । निष्कषायस्य यत्कर्माप्राप्य कालान्तरस्थितिम् ॥४०॥ युग्मम् जीवप्रदेशैः संयुक्तमात्रं विघटते जिनैः । बद्धमात्रमिदं कर्माबद्धमुक्तमतः श्रुते ॥४१॥ आर्द्रकुड्ये तु सस्नेहचूर्णवत् समयान्तरे । यत् तेभ्यो भिद्यते बद्धस्पृष्टमेतदुदाहृतम् ॥४२॥ यद् गाढाध्यवसायेन बद्धं नीतमयोग्यताम् । उद्वर्तनापवृत्त्यादेविपाकाऽनुभवं विना ॥४३॥ नापगच्छति च प्राय आर्द्रकुड्ये सुधोपमम् । तत् स्यान्निकाचितं कर्मात्रैवं सूचीचयोपमा ॥४४॥ युग्मम् गुणैरावेष्टितो लोहपट्टबद्धस्तथाऽग्निना । तप्तो घनाऽऽहतः पिण्डीभूतः सूचीचयस्त्रिधा ॥४५॥ एवं कर्माप्यात्मदेशैमिलितं तारतम्यतः । श्रुत्वैवं प्रावदद् गोष्ठामाहिलोऽभिनिवेशतः ॥४६|| वन्ध्य ! दुष्टोऽनयोगोऽयमेवं मोक्षो न कस्यचित् । कर्म नापैति जीवेभ्योऽभिन्नत्वात् तत्प्रदेशवत् ॥४७||
Jain Education International 2010_02
For Private & Personal Use Only
www.jainelibrary.org
