________________
१८८
उत्तरज्झयणाणि-१ इतो दुर्बलिकापुष्पश्चिन्तितः स्वपदोचितः ।। गुरुभिः साधवो गोष्ठामाहिलं फल्गुरक्षितम् ।।२०।। स्वजनत्वात् समीहन्ते संविग्नाः सूरयस्ततः । सर्वगच्छैकमत्यर्थं चक्रुः कुटनिदर्शनम् ॥२१॥ तैलसर्पिर्घटौपम्यं मुक्त्वा वल्लकुटोपमाम् । स्वस्य दुर्बलिकापुष्पं प्रत्याचार्या न्यवेदयन् ॥२२॥ सूत्रार्थयोरुपादाता कृत्स्नयोस्तदयं गुरुः । अस्तु युष्माकमेतेऽपि तथेति प्रतिपेदिरे ।।२३।। संस्थाप्य स्वपदे सूरिस्तमभाणीद् यथोचितम् । गच्छेः सूरिपदं प्राप्य माऽवलेपं मनागपि ॥२४॥ यथाऽहं वर्तितो गोष्ठामाहिले फल्गुरक्षिते । तथैव समचित्तेन वर्तितव्यं त्वयाऽपि हि ।।२५।। कुत्राप्युपेक्षां शिक्षायां दाढ्यं कुत्रापि कुर्वतः । सूरेरपि तवादेयवाक्यता न भविष्यति ॥२६॥ रागतः सहमानेनापराधं कस्यचिन्मुनेः । नान्यः शिक्षयितुं शक्यः कुर्वंस्तदवलम्बनम् ॥२७॥ जात्याश्वानिव सच्छिष्यान् परान् दुष्टहयानिव । समं शिक्षयतः सूरेविनीतो जायते गणः ॥२८॥ मा प्रमादं कृथा ज्ञाने व्रते सूरौ प्रमादिनि । प्रमाद्यति गणोऽपि स्युर्मूलस्थैर्ये हि पल्लवाः ॥२९।। स्मारणायां वारणायां तदुद्यच्छेनिरन्तरम् । मोक्तव्यो ह्यन्यथा भावी गच्छ: संयमकामिनाम् ॥३०॥ उपेक्षमाणः स्वं गच्छं दीर्घ कुर्याद् भवं गुरुः । विधिना पालयस्तार्तीयीके याति शिवं भवे ॥३१॥ तपोधनाः ! मया सार्द्धं भवद्भिर्वर्तितं यथा । वर्तितव्यं तथाऽनेन कार्यो नाविनयः क्वचित् ॥३२॥ कृतेऽप्यागसि नारुष्यमयं तु न सहिष्यते । तद् दक्षत्वं तथा कार्यं यथाऽयं वा न रुष्यति ॥३३।।
Jain Education International 2010_02
For Private & Personal Use Only
www.jainelibrary.org
