________________
१८७
तृतीयं चतुरङ्गीयाध्ययनम्
व्यस्मरन्नवमं पूर्वं ज्ञात्वा दध्युश्च सूरयः । यदीदृशस्य प्राज्ञस्याप्यभूत् सूत्रार्थविस्मृतिः ॥६॥ सम्पत्स्यते तदन्येषां सूत्रार्थस्तु सुदुर्धरः । ध्यात्वेति तैरनुयोगः पार्थक्येन कृतस्तदा ||७|| मथुरायां क्रमाद् भूतगुहायां व्यन्तरालये । स्थितेषु रक्षितार्येषु शक्रः सीमन्धरं जिनम् ।।८।। नत्वा श्रुत्वा च नैगोदान् विचारान् विस्मितो हृदि । पृष्टवान् भरते वक्ता कोऽपीदृक्षोऽस्ति साम्प्रतम् ? ||९|| जिनेन रक्षितो दिष्टस्ततो विस्मितकौतुकी । स्थविरद्विजरूपेण भिक्षाप्राप्तेषु साधुषु ॥१०॥ आगत्य नत्वा पप्रच्छ वृद्धोऽथ व्याधिमानहम् । चिकीर्षन्नस्म्यनशनं तद् वदायुः कियन्मम ? ॥११॥ यविकेष्वायुषः श्रेणावुपयुज्य सुरेश्वरम् । ज्ञात्वा श्रुतबलादूचे विहितब्राह्मणाकृतिः ॥१२॥ शक्रोऽसि वाद्धियुग्मायुस्तुष्टोऽथ हरिरभ्यधात् । जिनान्निगोदश्रुत्यादि तद्विचारं च पृष्टवान् ॥१३।। युग्मम् श्रुत्वा विस्तरतस्तं च जिनादिव गुरोगिरा । परावाश्रयद्वारं नत्वाऽगात् त्रिदिवं हरिः ॥१४|| स्थापितोऽपि हरि स्थान्निदानारेकया हि वः । ज्ञापकं द्वा:परावर्तं कृत्वाऽगादित्युपागतान् ॥१५॥ मुनीनबोधयत् सूरिरेवं ते वासवार्चिताः । क्रमाद् दशपुरं जग्मुरितश्च मथुरापुरि ||१६|| उत्तस्थे विकटो वादी तत्र च प्रतिवादिनः । अभावात् साधुयुगलं सङ्घः प्रैषीदुपप्रभु ॥१७।। विजज्ञिवांश्च दुर्वादिकृतव्यतिकरं च तम् । सूरिश्च प्राहिणोद् गोष्ठामाहिलं तर्ककर्कशम् ॥१८॥ न्यग्रहीद् वादिनं सोऽपि द्रुतमेवोरुयुक्तिभिः । श्रावकैः प्रावृषं तत्र कारितोऽसौ ततो मुदा ।।१९।।
Jain Education International 2010_02
For Private & Personal Use Only
www.jainelibrary.org
