________________
१८१
तृतीयं चतुरङ्गीयाध्ययनम्
रोहगुप्तोऽभ्यधान्नंष्टुं ततः किं क्वापि शक्यते ? । निषिद्धः पटहस्तस्य स्यान्नष्टेऽप्यथ किं शुभम् ? ॥१०॥ दध्युः श्रीगुरवोऽप्येवमयं पात्रं तु नोचितम् । रक्ष्यं तु मतमालिन्यमितो व्याघ्र इतस्तटी ॥११॥ यद् भाव्यं तद् भवत्येव शासनोत्सर्पणाऽस्तु तत् ।
ध्यात्वेत्यदुरिमास्तस्मै विद्यास्तत्प्रतिघातिनीः ॥१२॥ उक्तञ्च
“मोरी नउलि विराली वग्घी सीही अलूगि ओवाई । एयाओ विज्जाओ गिण्ह परिव्वायमहणीओ" ॥१३॥ अगृह्णाद् रोहगुप्तस्ता अभिमन्त्र्य रजोहृतिम् । अस्मै गुरुरदादेवमाख्यच्च करुणानिधिः ॥१४॥ तत् क्षुद्रविद्याप्रकृतमन्यच्चेदुपतिष्ठते । तदिमां भ्रामयेर्मूनि भावि तद् विफलं ततः ॥१५॥ ततः प्रस्खरितेभारिसमोऽभूद् रोहगुप्तकः । इन्द्रादीनामप्यजेयः सुधी राज्ञः सभामगात् ॥१६॥ आचिक्षेप परिव्राजं रे ! त्वं वेत्सि किमु क्वचित् ? । यदृच्छया पूर्वपक्षं कुरु तं न्यत्करोम्यहम् ॥१७॥ सोऽध्यासीन्निपुणा ह्येते दुर्जेयाश्च सिताम्बराः । तदेतत् सम्मतं पक्षमदोऽखण्ड्यमुपाददे ॥१८॥ मयाऽऽक्षिप्तेऽप्यवक्ताऽसौ जितस्तु ज्ञास्यते जनैः । जीवोऽजीवश्च राशी द्वौ ध्यात्वेति स्वीचकार सः ।।१९।। शुभाशुभद्वयं यद्वद् दिनरात्रिद्वयं यथा । लोकालोकद्वयं यद्वद् जीवाजीवद्वयं तथा ॥२०॥ रोहगुप्तोऽपि तं पक्षं स्वसम्मतमपि द्रुतम् । निराचिकीर्षुः प्रस्तावदक्षत्वेनेदमूचिवान् ॥२१॥
१. मयूरी नकुली बिडाली व्याघ्री सिंही उलूकी ओलावकी।
एता विद्या गृहाण परिव्राजकमथनीः ।।
___Jain Education International 2010_02
For Private & Personal Use Only
www.jainelibrary.org
