________________
१८०
उत्तरज्झयणाणि-१ पुरा श्रीवर्द्धमानेन प्रभुणा विश्वभास्वता । न्यषेधि जगदध्यक्षं क्रियाद्वितयवेदनम् ॥२१॥ किं ततोऽप्यधिकोऽसि त्वमिदं मिथ्या प्ररूपणम् । मुञ्चान्यथेह लोकेऽपि प्रापयिष्यामि तत्फलम् ॥२२।। एवं भीयुक्तिसम्बुद्धः परित्यक्तकदाग्रहः ।
सोऽपि तस्मात् प्रतिक्रम्य शुद्धं व्रतमधारयत् ।।२३।। इति पञ्चमः ॥५॥
शतानि पञ्च चत्वारश्चत्वारिंशच्च वत्सराः । वीरमोक्षाद् गतास्तावत् षष्ठोऽभूदेष तद्यथा ॥१॥ अत्रास्ति वस्तुसम्पूर्णा पुरी रम्याऽन्तरञ्जिका । बलश्रीसंयुतस्तत्र बलश्रीर्वसुधाधवः ॥२॥ तस्यां भूतगृहे चैत्ये श्रीगुप्ताचार्यपुङ्गवः । अस्थात् सतन्त्रः सूत्राब्धिवातापिद्विट्सहोदरः ॥३॥ तच्छिष्यो रोहगुप्ताख्योऽन्यस्माद् ग्रामात् समाययौ । वन्दनार्थं गुरोस्तत्र वादिद्विरदकेसरी ॥४|| परिव्राट् पोट्टशालाख्यो लोहपट्टसितोदरः । जम्बूशाखाकरस्तत्रोदतिष्ठत सुगवितः ॥५॥ जम्बूद्वीपेऽखिले विद्याभरभेद्योदरस्य मे । नैवास्ति प्रतिवादीत्यवादयत् पटहं पुरे ॥६॥ न्यषेधद् रोहगुप्तस्तं वादं कर्ताऽहमुत्थितः । इत्युक्त्वोपगुरु प्राप्तस्तं वृत्तान्तमवेदयत् ॥७॥ गुरवोऽप्यूचिरे युक्तं त्वया नानुष्ठितं ह्यदः ।
वादे जितोऽप्यसौ यत् कुविद्याभिरूपतिष्ठति ॥८॥ उक्तं हि
"विच्छुय सप्पे मूसग मिगी वराही य कायपोयाई ।
एयाहिं विज्जाहिं सो य परिव्वायगो कुसलो" ॥९॥ १. वृश्चिकः सर्पो मूषको मृगी वराही च काक-पोताकी ।
एतासु विद्यासु स च परिव्राजकः कुशलः ।।
Jain Education International 2010_02
For Private & Personal Use Only
www.jainelibrary.org
