________________
१७८
उत्तरज्झयणाणि-१ अन्यत्राप्युक्तम्
"प्रध्वस्ते कलशे शुशोच तनया मौलौ समुत्पादिते, पुत्रः प्रीतिमुवाह कामपि नृपः शिश्राय मध्यस्थताम् । पूर्वाकारपरिक्षयस्तदपराकारोदयस्तद्वयाधारश्चैक इति स्थितं त्रयमयं विश्वं तथा प्रत्ययात् ॥१०॥ इत्यादियुक्तिभिर्बाद बोधितोऽपि न बुध्यते । स यावत् तावदुद्घाट्य चतुर्थो निह्नवः कृतः ॥११।। प्ररूपयन् समुच्छेदं सोऽपि राजगृहं गतः । खण्डरक्षैः शुल्कपालैः श्राद्धैर्जातः स निह्नवः ।।१२।। तैः स मारयितुं दृब्धो भीतभीतः स ऊचिवान् । श्रुता भोः ! श्रावका यूयं दारुणं किमिदं तु वः ? ॥१३।। तेऽप्यूचिरे समुच्छिन्नाः श्रमणा भवतां मते । श्राद्धत्वं च कुतोऽस्मासु क्षणानन्तरनाशिषु ? ॥१४॥ कदाग्रहं मुमोचासौ भयाद् युक्तेश्च दर्शनात् ।
स्थिरीभूय प्रतिक्रम्य जिनाज्ञानिरतोऽभवत् ।।१५।। इति चतुर्थः ॥४॥
युक्ते शतद्वयेऽब्दानामष्टाविंशतिवत्सरैः । वीरमोक्षादतिक्रान्ते निहवः पञ्चमोऽजनि ॥१॥ एकस्मिन्नुल्लुकानद्यास्तीरे खेटाख्यपत्तनम् । परस्मिन्नुल्लुकातीरनामकं च महापुरं ॥२॥ महागिरिगुरोः शिष्यो धनदेवाभिधो गुरुः । खेटेऽस्ति गङ्गदत्तस्तु तच्छिष्योऽन्यत्र सच्छदः ।।३।। स शरद्यन्यदाऽऽचार्यवन्दनायाऽऽपगान्तरे । गच्छत्सु शीतले मूर्ति खल्वाटोऽबाध्यतार्कजैः ॥४॥ करैस्तीक्ष्णैस्ततश्चित्तेऽचिन्तयद् यज्जिनोऽभ्यधात् । युगपन्नक्रियायुग्मं वेद्यं तद् घटते कथम् ? ॥५॥ यतोऽहं पादमूर्द्धभ्यां समं शीतोष्णवेदकः । अथोपगुरु सम्प्राप्तः स्वं तत्पक्षं न्यवेदयत् ॥६॥
Jain Education International 2010_02
For Private & Personal Use Only
www.jainelibrary.org
