________________
१६४
राधावेधो न जातश्चेच्छिरश्छेदस्तदा तव । सोऽवमत्य समस्तांस्तान् योगीवैकाग्रमानसः ॥२९॥
उत्तरज्झयणाणि - १
दत्तदृग् बिम्बिते लक्ष्ये ज्ञात्वा चक्राष्टकान्तरम् । पञ्चालीवामदृग्वेधं व्यधात् क्षिप्त्वोर्ध्वगं शरम् ||३०|| चतुर्भिः कुलकम्
चक्रे जयजयारावः सर्वैरपि जनैस्तदा । निर्वृतिं परिणिन्ये स राज्यलक्ष्मीमवाप च ॥३१॥
दुष्करोऽयं यथा राधावेधो बलवतामपि । तथा मानुष्यकं जन्म दुष्प्रापं पुनरप्यदः ||३२|| इति चक्रे सप्तमः ॥७॥
लक्षयोजनमानोऽस्ति क्वापि द्वीपे महाहूदः । सहस्रयोजनप्राप्ताधस्तलो वर्तुलाकृतिः ॥१॥ यो नितान्तोर्ध्वसंश्लिष्टशैवालपटलाष्टकः । वरुणाम्भोनिधिरिवोत्ताननीलपटावृतः ॥२॥ पुत्र-पौत्रादिसन्तत्या तत्रैकः कच्छपो महान् । मूल - शाखा प्रशाखाद्यैर्वृद्धिं न्यग्रोधवद् ययौ ॥३॥ अथान्यदाऽश्विने मासे वात्यया पुटभेदतः । राकनिशार्धे शैवालविचाले विवरोऽभवत् ॥४॥ स च कूर्मस्तदा तत्र दैवादागाज्जलोपरि । ददर्श चन्द्रं छिद्रेणादृष्टपूर्वं नभस्तले ॥५॥ सन्ततिं मेलयित्वा स्वां दर्शयाम्येतदद्भुतम् । विमृष्येति निमज्ज्यान्तः सकलां ताममेलयत् ॥६॥ सकुलोऽप्यागमद् भूयस्तं द्रष्टुं तत्र कच्छपः । कपाटसन्धिवद् वातान्मिलितं विवरं च तत् ॥७॥ तत् किं स्याद् विवरं भूयस्तस्य वा चन्द्रदर्शनम् ? । भवेद् वा देवभावेन न पुनर्मानुषं जनुः ॥८॥ इति चर्मणि कूर्मेऽष्टमः ॥८॥ स्वयम्भूरमणाम्भोधेः पूर्वप्रान्ते युगं भवेत् । समिला चापरप्रान्तेऽन्योऽन्यं वीचिविघट्टनात् ॥१॥
For Private & Personal Use Only
Jain Education International 2010_02
www.jainelibrary.org
