________________
तृतीयं चतुरङ्गीयाध्ययनम्
साऽवदत् तात ! विक्रान्तो राधावेधी वरोऽस्तु । ऐन्द्रदत्तिर्भवेदीदृक् कोऽपीति व्यमृशन्नृपः ॥१५॥ स्वयंवरां ससेनां तां तत्र प्रैषीद् नृपस्ततः । इन्द्रदत्तोऽपि हृष्टोऽभूद् धन्योऽहं सुभगाः सुताः ||१६|| समुच्छ्रितपताका पूराज्ञाऽकारि तदागमे । बहिर्मञ्चा न्यवेश्यन्त राधास्तम्भोऽष्टचक्रयुक् ||१७|| तस्योपरिष्टात् पञ्चाली तैलकुण्डमधः पुनः । स्वयंवरामण्डपोऽन्तः कारितः स्वः सभोपमः ॥ १८ ॥ उपाविशन् माण्डलिका मञ्चेष्वेकत्र भूपतिः । आस्त निर्वृतिरप्यागाद् मिलितं राजमण्डलम् ॥१९॥ ऊचे राज्ञा सुतो ज्येष्ठः श्रीमाली वत्स ! निर्वृतिम् । राज्यं च गृह्यतां कृत्वा वेधं पञ्चालिकादृशः ||२०|| सोऽनभ्यासात् ततस्तत्र धन्वादानेऽपि न क्षमः । कथमप्यात्तधन्वेषुममुचद् यत्र तत्रगम् ॥२१॥ स चक्रास्फलितो भग्नस्तथाऽन्येषामपीषवः । भूधवोऽथाधृतिं धत्ते धिगेतैर्धर्षितोऽस्म्यहम् ॥२२॥ अथोचे मन्त्रिणा देव ! मा मैवमधृतिं कृथाः । अपरोऽप्यस्ति ते सूनुर्मत्पुत्रीकुक्षिसम्भवः ||२३|| सुरेन्द्रदत्त इत्याख्यः सर्वकर्मसु कर्मठः । प्रतीत्यै च न्यधाद् धीमान् वहिकाक्षरदर्शनम् ||२४|| आह्वयेत्युदिते राज्ञा मन्त्रिणाऽऽनाय्य दर्शितः । सोऽथालिङ्ग्य नृपणोचे स्नेहगद्गदया गिरा ||२५|| राधावेधं विधायात्र कृत्वाऽस्मन्मुखमुज्ज्वलम् । निर्वृतिं राज्यलक्ष्मीं च त्वमुद्वह कुलोद्वह ! ॥२६॥ तदा कोदण्डमादाय शरं कृत्वा तु लक्षगम् । द्वाविंशतिकुमारांस्तान् प्रत्यूहव्यूहकारिणः ||२७||
चतुरो दासचेटांश्च चित्तविक्षोभदायिनः । आकृष्टासी भटौ द्वौ च जल्पन्तावित्यभिस्थितौ ॥२८॥
For Private & Personal Use Only
Jain Education International 2010_02
१६३
www.jainelibrary.org
