________________
१५८
उत्तरज्झयणाणि-१ इत्युक्त्वा द्रुतमाहूय देवदत्तामवग् नृपः । अद्य भद्रे ! कृतार्थाः स्मः सख्या स्मो येन चिन्तिताः ॥२३२॥ मलदेवेन विख्यातविक्रमाख्येन भूभुजा । त्वमप्याकारिताऽसीति चेद् रुचिस्तत्र याहि तत् ।।२३३।। रोमाञ्चापरकञ्चुक्या तयाऽभाणि ततो नृपः । मूर्नोऽप्युपरि मे भाग्यदशा सम्प्रति वर्तते ॥२३४॥ समानसुखदुःखोऽसौ प्रियः प्रणतराजकः । मां यद्याह्वयते प्रेम्णा प्रार्थ्यं मे किमतः परम् ? ॥२३५।। प्रसीद पृथिवीनाथानुजानीह्यधुनैव माम् । तत्र गत्वा निजामाशां फलयामि लतामिव ॥२३६।। विचारधवलोऽप्यन्तर्दधानो मुदमुत्तमाम् । सन्मान्य तां च दूतं च व्यसृजत् साभ्युपायनम् ॥२३७।। प्रयाणैस्त्वरितैरेव बेन्नातटमुपागताम् । परेण महसा प्रावेशयत् तां विक्रमो नृपः ॥२३८।। तयैकरक्तया भोगान् भुञ्जानो वसुधाधवः । वयः कृतार्थयामास स लक्ष्म्येव पुरुषोत्तमः ॥२३९।। विचारधवलेनास्य तथा प्रीतिरुपैधत । यथैतयो राज्ययुग्ममेकराज्यमिवाजनि ।।२४०।। मुनिदानप्रभावेन लब्धसाम्राज्यसम्पदः । स पुपोषार्हतं धर्मं जन्मद्वयसुखावहम् ॥२४१।। चैत्यानि कारयामास तत्र बिम्बान्यतिष्ठिपत् । चकाराकारयत् पूजां स जैनी सर्वनीवृति ॥२४२।। तप्तायोगोलकल्पस्य न धर्मों दानतः परः । इत्यसौ रोरनिर्मग्नानुद्दधे दानरज्जुना ॥ २४३॥ नेतयो नैव दुर्भिक्षं नोत्पाता न च विग्रहः । तत्पुण्योद्रेकतस्तस्य विषये चाभवन्नमी ।।२४४|| आनुकूल्यभृतस्तस्य श्रीभिर्ववृधिरेतमाम् । प्रातिकूल्यभृतस्तस्य स्वयमेव क्षयं ययुः ॥२४५।।
Jain Education International 2010_02
For Private & Personal Use Only
www.jainelibrary.org
