________________
१५५
तृतीयं चतुरङ्गीयाध्ययनम्
इत्यादि साञ्जसालापैरङ्गीकार्य व्यवाहयत् । कन्याममुमुपाध्यायः सतीं शिवमिवाद्रिराट् ।।१९०।। स्वप्नस्य फलमाख्यच्चान्तःसप्तदिवसं तव । साम्राज्यं भविता यादृक् तादृग् दिव्यपि दुर्लभम् ॥१९१।। ततो हृष्टोऽथ चत्वारि दिनानि व्यत्यवाहयत् । पञ्चमेऽथ दिने बाह्योद्यान आस्ते तरोस्तले ॥१९२।। इतस्तत्रैव निष्पुत्रोऽकाण्डे कालमगान्नृपः । निष्पुष्पदन्तमाकाशमिवाभूद् राजमन्दिरम् ।।१९३।। नान्या गतिरतः पञ्च दिव्यान्येव नियोगिभिः । अध्यवास्यन्त पूर्धान्त्या तान्यथो बहिरासदन् ॥१९४॥ तत्रोद्याने मलदेवं स्थिरच्छायतरोस्तले । वीक्ष्येभोऽगर्जदूर्जस्वी चक्रे हेषां तुरङ्गमः ॥१९५।। अभ्यषेचयदम्भोभिः कुम्भश्चित्रमचेतनः । ततस्तदुपरि च्छत्रं प्रासरज्जलदाभ्रवत् ॥१९६।। स्वयमुघुषितौ रोमगुच्छौ गङ्गातरङ्गवत् । करी करेण तं पृष्ठे उपादाय न्यवीविशत् ॥१९७।। प्रणतो राजवर्गीयैर्मूलदेवो नरेश्वरः । अहो ! सुरोपितो दानतरुः सद्यः फलेग्रहिः ॥१९८।। नभोदेवतयाऽभाणि नृप एष महामहाः । नाम्ना विक्रमराजोऽस्तु प्रतापेनातिभास्करः ॥१९९॥ न स्थास्यति य एतस्य शासने पुण्यशालिनः । किमुच्यते क्षयं याता स स्वामिद्रोहपातकात् ॥२००। तत् श्रुत्वा शासनस्थैर्यमासदत् सकलो जनः । सौधं गत्वा स साम्राज्यमभुक्ताखण्डितप्रभः ॥२०१।। विचारधवलाख्येनोज्जयिनीजानिना सह । योग्यसंव्यवहारेण प्रीतिमारचयत् पराम् ॥२०२॥ स्नेहस्तादृक् तयोरासीदनुपाधिः परस्परम् । नूनं न वीक्ष्यतेऽन्यत्र यादृक् सोदरयोरपि ॥२०३।।
Jain Education International 2010_02
For Private & Personal Use Only
www.jainelibrary.org
