________________
१५४
उत्तरज्झयणाणि-१ तदा कार्पटिकोऽप्येकः स्वप्नं तादृशमैक्षत । न्यवेदयत् स्वयूथ्याग्रे तत्रैकः प्राह तत्फलम् ॥१७६।। महान्तं रोट्टकं सर्पिर्गुडपूर्णं त्वमाप्स्यसे । भिक्षायां सोऽपि तं लब्ध्वा तुतोष स्तोकविस्मयी ॥१७७।। मूलदेवोऽप्यथ प्रातर्गत्वोद्यानं समुच्चयात् । आवारामिकं पुष्प-फलान्यस्मादुपाददे ॥१७८।। शुचिभूतोऽथ तत्पाणिरगान्नैमित्तिकालयम् । नत्वा प्राञ्जलिरेतस्याकथयत् स्वप्नमद्भुतम् ।।१७९।। उपाध्यायोऽपि तच्छ्रुत्वा तुतोषोच्चैरुवाच च । वक्ता स्वप्नफलं तावद् भवाद्य त्वं ममातिथिः ॥१८०॥ तद्वचः प्रतिपक्षेषोऽस्नादभुङ्क्त च तद्गृहे । सर्वतोऽलङ्कृतं कृत्वा तं प्रेम्णाऽऽह निमित्तवित् ।।१८१॥ 'अस्ति प्राप्तवरा कन्या दत्ता तुभ्यमुपानय । त्वामासाद्य कृतार्थाऽस्तु सा चन्द्रमिव चन्द्रिका ॥१८२॥ ततोऽभ्यधान्मूलदेवस्तात ! कोऽयं तव भ्रमः ? । अज्ञातकुल-शीलस्य कन्यादानं हि कीदृशम् ? ॥१८३॥ अध्वगाय दरिद्राय कितवाय मुमुक्षवे । अशक्तायाकुलीनाय नो दद्याच्चतुरः कनीम् ॥१८४॥ अविचार्य न कर्तव्यो जामाता सङ्कटेऽपि हि । विनाऽग्निना दहेद् देहं मा कदाचित् कुमित्रवत् ॥१८५।। अथ तद्वाक्कलातुष्टः स्मित्वोवाच स वाचकः । कुलं शीलं च निर्णीतमाकारेणैव ते मया ॥१८६॥ आचाराद् गम्यते वंशो जन्मभूमिश्च जल्पितात् । सम्भ्रमादेव च प्रेम तद् विचारेण मे कृतम् ॥१८७॥ कः कुर्यात् कुवले गन्धं को वा माधुर्यमिक्षुषु । ध्रुवमेवं कुलीनेषु स्वतः सिद्धा विनीतता ॥१८८॥ नूनं यदि गुणाः सन्ति कुलेनापि हि किं ततः ? । निर्गुणो निष्कलङ्कस्य कुलस्यापि कलङ्ककृत्" ॥१८९॥
Jain Education International 2010_02
For Private & Personal Use Only
www.jainelibrary.org
