________________
१५२
Jain Education International 2010_02
उत्तरज्झयणाणि - १
दिनत्रयं द्विजोऽभुङ्क्त पथि सक्त्वादि स स्वयम् । मूलदेवाय न प्रादात् कियदप्येकदाऽपि हि ॥१४८॥ अल्पपाथेयभट्टोऽसौ नादान्मम ततोऽपि किम् ? | वन्यालङ्घनमेतस्य साहाय्यादेव मेऽभवत् ॥१४९॥ निरात्मीयस्य वार्तादिविनोदादेष मे सुहृत् । प्रतिप्रियोचितो ह्येष ध्यात्वेति स तमूचिवान् ॥ १५०॥ पृथगध्वाऽऽवयोर्भट्ट ! तदाकर्णय मे वचः । वन्या गोष्पदवज्जाता दुस्तराऽपि त्वया सह ॥ १५१|| बेनातटमहं यामि मूलदेवोऽस्मि नामतः । तत्रागच्छेरहं कर्तोपकारं तव किञ्चन ॥ १५२॥ अभिधां साधयात्मीयां टक्कोऽप्याहेति सद्धः । परं निर्घृणशर्मेति लोको वदति मां सदा ॥ १५३॥ इत्युक्त्वा तु निजग्रामं प्रस्थेऽसौ द्विजस्ततः । मूलदेवोऽपि सन्तुष्टोऽभि बेनातटपत्तनम् || १५४ ॥ कृताष्टमः क्षुधाक्षामो ग्राममेकमथाविशत् । तमशेषं परिभ्रम्य श्रान्तो लेभे न किञ्चन ॥ १५५॥ कुतश्चिद् गृहतस्तेन राद्धमाषाः किलापिरे । द्राक्षापिण्डमिवादाय तान् जलाश्रयमागतम् ॥१५६॥ जिघत्सति स तान् यावत् क्षालितास्यकरक्रमः । तावत् पश्यन् दिशोऽद्राक्षीदायान्तं क्षपकं मुनिम् ॥१५७॥ तं दृष्ट्वा निर्भरामोदप्रभूतपुलकाञ्चितः । अचिन्त्यदहं धन्यं फुल्लद्भाग्योऽस्मि निश्चितम् ॥१५८||
"मूर्तं तप इवैतस्मिन् क्षणेऽत्र यदसौ मुनिः । समुपेयाय तद् भाव्यं भद्रेणावश्यमेव मे ॥ १५९|| स्वर्णवृष्टिरसौ दुस्थे मरुषु स्वÍमोद्गमः । महाव्रतधरः साधुर्यल्लब्धो भोजनक्षणे ॥ १६०॥ ज्ञान- दर्शनपूतात्मा क्षान्त्यादिगुणभाजनम् । स्वाध्याय - ध्यान - सल्लेश्या - गाम्भीर्यगरिमाश्रयः ॥ १६१ ॥
For Private & Personal Use Only
www.jainelibrary.org
