________________
१५०
उत्तरज्झयणाणि-१ दुष्टपापिष्ठयैकान्ते बभाषेऽथ तयाऽचलः । ग्रामान्तरगमव्याजं कृत्वा सुभटसंहतः ॥१२०।। झटित्येव सुतागेहमागच्छेस्तं विमानयेः । याताऽपमानितो देशान्तरं स स्वयमेव यत् ॥१२१।। अन्यथा देवदत्ता ते नास्तीदं विद्धि निश्चितम् । प्रस्तावं ज्ञापयिष्येऽहं तद्वचः स प्रपन्नवान् ॥१२२।। सोऽन्यदोचेऽम्बुजाक्षीं तां ग्रामान्तरगमं स्फुटम् । मूलदेवः सुविश्वस्तः प्रविष्टस्तद्गृहं ततः ॥१२३॥ वृद्धाज्ञापिततवृत्तः सामग्र्याऽखिलया युतः । . अचलोऽप्यागमत् तूर्णं विशन् दृष्टश्च वेश्यया ॥१२४॥ मूलदेवस्तयाऽथोचे कर्तव्यं किमु सम्प्रति ? । धनं प्रतिगृहीतं यदेतत्प्रेषितमम्बया ॥१२५।। कालक्षेपोऽशभे कार्योऽध:पल्यङ्कमतो भवान् । क्षणं तिष्ठतु संलीनस्तथैवास्थात् स तद्भिया ॥१२६॥ मार्जारादाखुवत् तत्र लीनं तमचलोऽबुधत् । न्यषीदत् सोऽपि पल्यङ्के देवदत्तां बभाण च ॥१२७|| कुरु मज्जनसामग्री कृता चेत् तामुपानय । एतन्नेपथ्यवानेव विधाताऽस्म्यत्र मज्जनम् ।।१२८।। विनक्ष्यत्येतदखिलं न धेयमिति चेतसा । यतो दृष्टो निशि स्वप्नो ध्रुवं तं सत्यतां नयेः ।।१२९।। तूलिकादिविनाशोऽपि न विचिन्त्यः प्रिये ! त्वया । ननु सम्पादयिष्यामि तत् सर्वमपि नूतनम् ।।१३०।। भणित्वेति द्रुतं कुट्टिन्यानीतोपस्करेण सः ।। तत्रैवास्नात् पतत्तैलखलामलककर्दमम् ॥१३१॥ भृतस्तेनाशिरः पादं मूलदेवोऽप्यधः स्थितः । भ्रूसंज्ञाज्ञापित: केशग्राहं कृष्टश्च तद्भटैः ॥१३२।। पुरोऽचलं धृतश्चैष सोत्प्रासं भणितोऽमुना । निरूपय दिशं कोऽस्ति शरण्यः शरणं तव ? ॥१३३।।
Jain Education International 2010_02
For Private & Personal Use Only
www.jainelibrary.org
