________________
१४९
तृतीयं चतुरङ्गीयाध्ययनम्
चर्वितानिक्षुखण्डांश्च पुष्पवृन्तानि च क्षणे । किमेतत् प्रेष्यते मातरित्युक्ते सा भणत्यदः ॥१०६॥ यादृशानि किलैतानि तादृशः स तव प्रियः । तं तथाऽपि न तत्याज देवना दृढाशया ॥१०७।। चिन्तयित्वाऽन्यदा किञ्चिज्जननी भणिता तया । इक्षुस्पृहाऽस्ति मेऽतस्तानचलं मार्गय द्रुतम् ॥१०८॥ जनन्यपि तथाऽकार्षीद् भृत्वाऽनः प्राहिणोत् स च । तयाऽभाणि किमम्बास्मि करिणी तेन चिन्तिता ॥१०९॥ समूलपत्रसाखेक्षुश्चय॑ते किं तयेव मे ? । जनन्योचे ननूदारोऽधिदाता स मेघवत् ॥११०॥ नैषा महेच्छता किन्तु निर्विचारत्वमुल्बणम् । इत्याख्यदितरा सर्वं प्रीतिदानं हि सुन्दरम् ॥१११॥ अस्तीक्षुभक्षणश्रद्धेत्यन्यदा माधवीमुखात् । ज्ञापितं मूलदेवस्य लेशतो देवदत्तया ॥११२॥ सोऽपि निस्त्वचयित्वेक्षुयष्टीढेित्राः पवित्रिताः । व्यङ्गुलानथ तत्खण्डान् मरिचैरवचूर्ण्य च ॥११३।। अवासयच्च चन्द्राद्यैः शूलैश्चालगयच्छितैः । शरावसम्पुटं भृत्वाऽऽच्छाद्य प्रेषीत् तदन्तिके ॥११४॥ माधव्या ढौकितं चैतज्जनन्या अप्यदर्शयत् । अवदच्चाम्ब ! वीक्षस्व नराणां कियदन्तरम् ? ॥११५॥ डम्बरी सावलेपश्च विवेकरहितोऽचलः । निर्व्याजप्रणयो मूलदेवः प्रस्तावकोविदः ॥११६॥ अतो गुणानुरक्तायाः स त्यक्तुमुचितः कथम् ? । लक्ष्म्यादि सर्वं सुप्रापं दुष्प्रापो गुणवान् जनः ॥११७॥ दोषा अपि गुणा रागाद् विरागात् तद्विपर्ययः । तक्रमप्यमृतं प्रीतावप्रीतावमृतं विषम् ॥११८॥ न त्यक्ष्यत्यात्मशक्त्याऽसौ मूलदेवं कथञ्चन । उपायात् त्याजयिष्यामि कुट्टिनीति व्यचिन्तयत् ॥११९।।
Jain Education International 2010_02
For Private & Personal Use Only
www.jainelibrary.org
