________________
१४१
तृतीयं चतुरङ्गीयाध्ययनम्
स्थविरे प्रोषितेऽन्येद्युः सर्वरत्नानि तत्सुतैः । नानादिग्देशवणिजां दत्तान्यादाय तद्धनम् ।।४।। समुच्छ्रिता गृहेऽत्युच्चा ध्वजास्तैः कोटिसङ्ख्यया । ते रत्नवणिजो जग्मुः कृतस्वार्था दिशोदिशम् ॥५॥ आगतः स्थविरो मत्वा तत् तेभ्यो रत्नविक्रयम् । निर्भय॑ तनयानूचे रत्नान्यानयत द्रुतम् ।।६।। मूर्खा रत्नान्यमूल्यानि कथमेवं विचिक्रियुः ? ।
दुर्लभं मीलनं तेषां यथा नरजनुस्तथा ॥७॥ इति रत्नेषु पञ्चमः ॥५॥
स्वस्ति प्रशस्तं गौडाख्यदेशोत्तंसश्रिया श्रितम् । पुण्याङ्गिपटलापूर्णमास्ते श्रीपाटलीपुरम् ॥१॥ तत्र शङ्खयशाः शङ्खधवलोऽस्ति धराधवः । न्यायधर्मधुराधुर्यो विशुद्धधवलोपमः ॥२।। । तस्यान्तःपुरमुख्याऽभूज्जयलक्ष्मीरिति प्रिया । मूर्तिमज्जयलक्ष्मीर्याऽवतीर्णा भाग्ययोगतः ॥३॥ तयोरस्त्यात्मजो मूलदेवो देवतारूपभाक् । द्वात्रिंशल्लक्षणोपेतो विनयावनताङ्गभृत् ॥४॥ क्रमात् स प्राप तारुण्यं पुण्यलावण्यसेवधिम् । कलाकलापकुशलो विज्ञानामृतवारिधिः ॥५॥ प्रस्तावज्ञः कृतज्ञश्च दाक्षिण्यगुणखानिभूः । वदान्योऽगण्यनैपुण्यो गुणरागी प्रियंवदः ॥६।। सर्वानेककलाज्ञेषु तत्तद्भावं भजेत सः । नानाश्रोतॄन् समासाद्य वक्तुर्वाक्यमिवैककम् ॥७॥ किं बहूक्त्या ह्यसौ सर्वगुणानामाकरः परम् । द्यूतव्यसनलाम्पट्यं दुष्यतीन्दोः कलङ्कवत् ॥८॥ ततो नृपतिराकार्य पुत्रं प्रेमवशंवदः । अनुशास्ति सुनीतिज्ञः सामवाक्यैरनेकधा ॥९॥
Jain Education International 2010_02
For Private & Personal Use Only
www.jainelibrary.org
