________________
१४०
उत्तरज्झयणाणि-१ सा तान् विवृत्य किं प्रस्थं पूरयेत् पूरयेदपि ।
देवतायाः प्रभावेन लभेत न तु मर्त्यताम् ॥३॥ इति धान्ये तृतीयः ॥३॥
पुरं भृगुकटं नाम भूदेवीमुकुटोपमम् । सुवर्णसुमनोरम्यं विचित्रशिखरालयम् ॥१॥ विक्रान्तस्तस्य दुर्दान्तनन्दनो राज्यसुस्पृहः । भूभुजो राज्यगृद्धस्य विस्मृतो मृत्युरात्मनः ॥३॥ संहत्यामुं ततो राज्यमादास्येऽहं युवाऽधुना । वार्धक्ये किं फलं तेनाक्षमस्येति स दध्यिवान् ॥४॥ युग्मम् तत् ज्ञात्वा मन्त्रिणा राज्ञो ज्ञापिते स्माह तं नृपः । यो जीवत्पितृसाम्राज्यमिच्छेत् तस्यास्त्ययं विधिः ॥५॥ अस्मत्सभामण्डपेऽस्मिन्नस्ति स्तम्भशतं सुत ! । अष्टोत्तरशतं तेषु सन्ति सर्वेषु कूणकाः ॥६॥ अष्टोत्तरशतं वारान् प्रत्येकं कूणकाश्च ते । जेया राज्यार्थिना द्यूते दायैः सर्वे निरन्तरम् ।।७।। तेष्वेवं जीयमानेषु हारिश्चेदन्तरा भवेत् । ते पुनर्मूलतो जेयाः पूर्वे दाया निरर्थकाः ॥८॥ इति प्रणीते तातेन साहसी राजसूस्ततः । एतान् प्रववृते जेतुं निष्णातो द्यूतकर्मणि ॥९।। तस्यापि तज्जयः किं स्यात् स्याद् वा देवानुभावतः ।
मानुष्यकात् परिभ्रष्टो लभते न मनुष्यताम् ॥१०॥ इति द्यूते चतुर्थः ॥४॥
वेलाकूलं श्रियां मूलं नाम्ना रत्नपुरं पुरम् । रत्नगर्भाऽभवद् भूमिर्यत्र रत्ननिधिकृतैः ॥१॥ रत्नसारो वणिग् वृद्धस्तत्रासीद् वणिजां वरः । सूर्यकान्तेन्दुकान्तायै रत्नै रत्नाकरोपमः ॥२॥ तत्र कोटीश्वराः कोटिध्वजानन्ये गृहे गृहे । उत्तम्भयन्ति ते नित्यं स नोत्तम्भयते जरी ॥३॥
Jain Education International 2010_02
For Private & Personal Use Only
www.jainelibrary.org
