________________
१३८
उत्तरज्झयणाणि-१ तत्र चोल्लको देशीभाषया परिपाटीभोजनम्, तत्र विप्रदृष्टान्तः
भरतार्धेऽत्र पाञ्चालदेशे काम्पील्यपत्तनम् । जगज्जनकृतानन्दं प्रतिच्छन्दं दिवौकसः ॥१॥ ब्रह्मदत्तो नृपस्तत्र द्वादशश्चक्रवत्तिनाम् । यत्प्रतापाद् विलीयन्ते नवनीतमिवारयः ॥२॥ एक: कार्पटिकस्तस्याटव्यां साहाय्यकार्यभूत् । प्राग् दीर्घ-चुलनीभीत्यैकाकिनो भ्रमतो भुवम् ॥३॥ वादशभिः सैन्यं सम्मील्य बलवत्तरः । ब्रह्मदत्तोऽभवत् सम्राट् लेभे तद्दर्शनं न सः ॥४॥ युग्मम् राजपाट्यां नरेन्द्रस्यान्यदा कार्पटिकद्विजः । उपानहां ध्वजं कृत्वा पुरोऽभूद् ध्वजिभिः सह ।।५।। कोऽयं नव्यध्वज इति पृष्टः पादातिकोऽनयत् । दृग्गोचरं तं संवीक्ष्य स भूपेनोपलक्षितः ॥६॥ गजादुत्तीर्य सस्नेहमालिझ्याभाष्य सगिरा । भूजानिना स ऊचे कि ददामि स्वेच्छया वद ? ॥७॥ स प्राह प्रेयसी पृष्ट्वा पार्थिव ! प्रार्थयिष्यते ।। सोऽथ गत्वा प्रियामाख्यत् तुष्टो राजा किमर्थये ? ॥८॥ सा दध्यौ यद्यसौ देशं साचिव्यं वा प्रपत्स्यते । बहिस्तान्मञ्चकस्तन्मे पतितो नात्र संशयः ॥९॥ साऽऽह त्वं कान्त ! याचस्व भोजनं भारतेऽखिले । दीनारयुगलं चापि चक्र्यादेः प्रतिमन्दिरम् ॥१०॥ तत्रार्थिते नृपेणोचे देशाद्यं किं न याचसे ? । हिण्डसे किं न हस्त्यश्वच्छत्रच्छायाभिरिन्द्रवत् ? ॥११।। सोऽभ्यधात् किं ममैतैस्तु दध्यौ राजैष तुच्छधीः । उदङ्कः पतितोऽप्यब्धावादत्ते स्वोचितं जलम् ॥१२।। स्वीकृत्य तद्वचो राज्ञा पूर्वं स्वौकसि भोजितः । दीनारद्वयदानेन दक्षिणायां स मोदितः ।।१३।।
Jain Education International 2010_02
For Private & Personal Use Only
www.jainelibrary.org
