________________
१३५
द्वितीयं परीषहाध्ययनम्
तं साऽवोचत् प्रमुग्धोऽसि काऽलीकेन प्रभावना ? | किन्त्वपभ्राजना लोकोपहासादेव जायते ।।९५।। स गत्वाऽथाम्बडस्याग्रे तवृत्तान्तं न्यवेदयत् । श्रुत्वा स दर्शनस्थैर्यं सुलसाया विसिष्मये ॥९६।। युक्तं सभायां श्रीवीरस्तां स्वयं समभावयत् । सम्यक्त्वाद् यामहं मायाव्यपि नाचीचलन्तमाम् ॥९७।। स संहृत्य प्रपञ्चं तमम्बडो मूलरूपभृत् । अर्हद्धर्मगृहमिव प्राविक्षत् सुलसागृहम् ॥९८।। सहसोत्थाय साऽपृच्छत् स्वागतं धर्मबान्धव ! । वीरस्य त्रिजगद्भर्तुरुत्तमोपासकस्य ते ॥९९|| मातेवातुल्यवात्सल्याच्छौचं कृत्वा च तत्पदोः । वन्दयामास वन्दारूं तं चैत्यानि स्ववेश्मनः ॥१००। अम्बडोऽप्यातस्तस्याः शाश्वताशाश्वतार्हताम् । बिम्बान्यवन्दयद् भक्त्या वन्दितानि स्वयं मुदा ॥१०१|| तामूचे च त्वमेवैका पुण्यवत्यसि भारते । यस्या वीरो वृषोदन्तं मदास्येनाद्य पृच्छति ॥१०२॥ तदाकर्ण्य सकर्णा सा प्रणम्य परमेश्वरम् । अस्तौत् प्रशस्तया वाचा रोमाञ्चाञ्चितसञ्चरा ॥१०३।। तदाशयं परिज्ञातुं विज्ञस्तामूचिवानयम् । मयाऽत्रायातमात्रेण वार्ताऽ श्रावीति लोकतः ॥१०४।। यदत्र विष्णु-ब्रह्माद्या अवतेरुः सुराः पुरे । शुश्रूषवो जना जग्मुस्तत्पाश्र्वं भवती न हि ॥१०५।। कूणयन्त्यथ सा नासां दुर्गन्धादिव तगिरः । आख्यद् विदन्नपि कथं भवान् भ्राम्यति बान्धव ! ।।१०६।। स्त्रीसेवानिरताः शत्रुवधबन्धनलालसाः । तेऽमी ब्रह्मादयः कीदृग् धर्मं वक्ष्यन्त्यधर्मिणः ? ॥१०७॥ भ्रातः ! श्रीमन्महावीराद् धर्ममाप्य कथं मनः । द्रष्टुं तानिष्टविधिष्ठानुत्सहेत ममाधुना ॥१०८॥
Jain Education International 2010_02
For Private & Personal Use Only
www.jainelibrary.org
