________________
१३४
उत्तरज्झयणाणि-१ तन्नमस्याकृते लोकः पौरः सर्वः समाययौ । विहाय सुलसामेकां सम्यक्त्वे निश्चलाशयाम् ॥८१॥ दक्षिणस्यां द्वितीयेऽह्नि सोऽम्बडो गरुडासनः । शङ्ख-चक्र-गदा-शार्ङ्गकरोऽस्थाद् विष्णुरूपभाक् ॥८२॥ अप्यच्युतप्रघोषेण जगद्विभ्रमकारिणा । सुलसा नागमत् तत्र मिथ्याक्सङ्गभीलुका ॥८३।। अथाम्बडस्तृतीयेऽह्नि पश्चिमायां शशाङ्कवान् ।। कृत्तिवासास्त्रिनयनः शूलपाणिः कपालभृत् ॥८४।। रुण्डमाली च खट्वाङ्गी भस्मोद्धूलितविग्रहः । पार्वतीमण्डितार्धाङ्गो भस्मीकुर्वन् मनोभवम् ॥८५।। ईश्वरीभूय पौराणामाख्यद् धर्ममसौ ततः । दृशाऽपि नेक्षितः शुद्ध श्राद्ध्या सुलसया परम् ।।८६।। चतुर्थे दिवसेऽथासावुत्तरस्यां महाद्भुतम् । कृत्वा समवसरणं सतोरणचतुर्मुखम् ॥८७।। जिनीभूय स्थितस्तत्र जनैर्गत्वा नमस्कृतः । धर्मोपदेशदानेनान्वगृह्णात् स तु नागरान् ॥८८।। तत्राप्यनागतामेनां सुलसामवबुध्य सः । प्रैषीदेकं नरं तस्याः क्षोभार्थं सोऽपि तामवक् ।।८९।। सुलसे ! समवासार्षीदहँस्त्वदतिवल्लभः । विज्ञे ! तत् तन्निनंसायै किमर्थमलसायसे ? ॥९०॥ तमुवाच महाभाग ! नायं स्वामी जिनेश्वरः । विहाय श्रीमहावीरं परोऽर्हन् नास्ति भूतले ॥९१|| सोऽपि प्रत्यब्रवीद् भद्रे ! पञ्चविंशोऽधुना जिनः । उत्पेदेऽतः स्वयं गत्वा मुग्धे ! तं किं न वन्दसे ? ॥९२।। सा प्राह तं न जायेत पञ्चविंशः क्वचिज्जिनः । कोऽप्येष कपटाटोपैर्मुग्धान् वञ्चयते नरान् ॥९३।। मायामृगः स आचख्यौ यद्येवं शासनोन्नतिः । जायते तर्हि को भद्रे ! दोषपोषः प्रसर्पति ? ॥१४॥
Jain Education International 2010_02
For Private & Personal Use Only
www.jainelibrary.org
