________________
१३३
द्वितीयं परीषहाध्ययनम्
तत्पूर्वजनुषो मत्वा विपाकं दुष्टकर्मणाम् । विशोकौ दम्पती तौ तु यतेते धर्मकर्मसु ॥६७|| अन्यदा समवासार्षीच्चम्पायां चरमो जिनः । सुरासुरनराधीशसेवितांहिसरोरुहः ॥६८।। तत्र दण्डधरश्छत्री श्रीवीरश्रावकाग्रणीः । परिव्राडम्बडाभिख्योऽनंसीदेत्य जगत्प्रभुम् ॥६९।। निषिद्य च यथायोग्ये स्थाने श्रद्धाविशुद्धधीः । स देशनां सुधादेश्यां शुश्राव श्रोत्रशर्मदाम् ।।७०।। भक्त्या नत्वा जिनाधीशं यावद् राजगृहं प्रति । प्रतस्थे सोऽम्बडस्तावत् स्वामिन् स्वयमौच्यत ।।७१।। तत्र प्राप्तो नागरथिप्रेयसीं सुलसाऽभिधाम् । पृच्छरस्माकमादेशाद् वार्ता धर्मसुखावहाम् ।।७२।। तथेति प्रतिपद्यासौ व्योम्ना गत्वाऽथ तत्पुरम् । सुलसासद्मनो द्वारे क्षणं स्थित्वेत्यचिन्तयत् ॥७३।। अहो ! त्रिजगतीभर्तुः पक्षपातो महाद्भुतः । सुलसायामतोऽमुष्याः करिष्येऽद्य परीक्षणम् ॥७४।। वैक्रियाख्यमहालब्ध्या कृत्वा रूपान्तरं जवात् । वेश्म प्रविश्यायाचिष्ट भिक्षां स सुलसां सुधीः ॥७५।। भिक्षामपास्य सत्पात्रं नान्यस्मै प्रदाम्यहम् । इत्यादृतां प्रतिज्ञां स्वां सुलसा व्यस्मरन्न हि ।।७६।। तस्मै सा याचमानाय भिक्षामर्णवैभवा । न ददौ स्वप्रतिज्ञातं सन्तो लुम्पन्ति न क्वचित् ।।७७।। ततो निःसृत्य तद्गेहात् पुरगोपुरसन्निधौ । पूर्वस्यां विचकारासौ चतुर्वक्त्रविभूषितम् ॥७८।। चतुर्भुजं ब्रह्मसूत्र-जटाजूटकमण्डितम् । अक्षमालाऽङ्कितं ब्रह्मरूपं सद्धंसवाहनम् ॥७९।। युग्मम् सावित्रीसहितः पद्मासनाऽसीनो हरिप्रभः । धर्मं दिदेश लोकेभ्यः साक्षाद् ब्रह्मेव सोऽम्बडः ॥८०॥
Jain Education International 2010_02
For Private & Personal Use Only
www.jainelibrary.org
