________________
१२८
उत्तरज्झयणाणि-१ तपोऽपि न यातना, यथाशक्तिविधानेन कर्मक्षयहेतुत्वात् तस्य ॥४४॥ तथा
अभू जिणा अस्थि जिणा अदुवा वि भविस्सई ।
मुसं ते एवमाहंसु इति भिक्खू न चिंतए ॥४५॥ व्याख्या-अभूवन् जिना रागादिजेतारः । अस्ति प्राकृतत्वात् सन्ति जिना विदेहापेक्षया । अथवा भविष्यन्ति जिनाः । मृषाऽलीकं ते जिनास्तत्त्ववादिन एवमाहुब्रुवते इति भिक्षुर्न चिन्तयेत् । सर्वज्ञस्यानुमानादिप्रमाणसिद्धत्वात् । जैनप्रवचनदाढ्यनासौ परीषहः सोढव्यः सुलसावत् । तथाहि
मगधासु पुरे राजगृहे शौर्यगुणास्पदम् । अभूत् प्रसेनजिद् भूपः सारथिर्नागनामकः ॥१॥ सलसाऽऽसीत् प्रिया तस्यानलसा धर्मकर्मसु । पतिव्रतात्व-सौजन्यौदार्यादिगुणसेवधिः ॥२॥ वीरगीरमृतास्वादपुष्टिजुष्टं हि यन्मनः ।। मिथ्यादृग्वाग्विषयस्पर्श न शिश्राय कदाचन ॥३।। न लक्ष्म्या न पतिप्रेम्णा न सखीभिर्न बान्धवैः । जिनाज्ञाराधनेनैव सा मेने शर्म निर्भरम् ॥४॥ भुक्ता अनन्तशः कामाः सम्बन्धा अप्यनन्तशः । पितृ-पुत्रादयः प्राप्ताः सोपेक्षमास तानिति ॥५॥ परं नागः सुताभावाच्छून्याः पश्यन् दिशो दश । ताम्यति स्मतमामन्तर्गल्लहस्तो निरन्तरम् ॥६॥ तृणैकपूलकाधारदीप्तवह्निप्रकाशवत् । स लक्ष्मी-नृपमानादि सुताभावादमन्यत ॥७।। सुलसाऽथ प्रियं प्रोचे सुधारसकिरा गिरा । चिन्तया तेऽनया नाथ ! किं नु कातरकार्यया ? ॥८॥ अङ्गभूमयि चेन्नासीन्माऽस्तु नाम कनी: पराः । उद्वाह्योत्पादयैतांस्त्वं सर्वं ह्युद्यमशालिनाम् ॥९॥ नागो जगाद स प्रेमा यातु यातु रसातलम् । यत्सीमा स्वार्थसंसिद्धिर्धर्मद्रव्यं गतेरिव ॥१०॥
Jain Education International 2010_02
For Private & Personal Use Only
www.jainelibrary.org
