________________
१२५
द्वितीयं परीषहाध्ययनम्
अनालोच्याप्रतिक्रम्य तत् पापस्थानमुत्कटम् । पूर्णायुः क्रमशो नाके नाक्यभूद् व्रतयोगतः ॥२७।। तच्च्युतोऽभवदाभीरदारको धीरधीयुवा । गोदोहादिक्रियादक्षः क्षमाङ्गः क्षीरपानतः ॥२८॥ पर्यणैषीच्च युवतिं कुलीनां प्रणयप्रियाम् ।। सुतामसूत सा काले सरसी पद्मिनीमिव ॥२९॥ इयत्ता रूपलक्ष्मीनां भद्राऽऽख्या साऽऽप यौवनम् । लावण्यामोदलुब्धानां कामं काम्या युवालिनाम् ॥३०॥ अन्यदा सर्पिषां कुम्भैर्भूत्वाऽनो विक्रयाशया । समं वल्लवसार्थेन स प्रतस्थे पुरं प्रति ॥३१।। भद्रा सारथ्यमाधत्त तत्साहाय्यकरी तदा । यूनामसाध्यचित्तानां साधनायेव सोद्यमा ॥३२।। तदानीं वल्लवाः सर्वे तद्रूपाक्षिप्तचेतसः । उपेक्ष्योक्षक्रियाक्षेपं तामेवैक्ष्यन्त मोहिनीम् ॥३३॥ एकाऽप्यविक्षत सा तेषां सर्वेषां हृदयं क्षणात् । सुरेवोन्मदयामास विकृता चैकहेलया ॥३४॥ रागान्मार्गममार्ग वाऽविमश्य परितः समे । तस्याः स्वानांसि ते निन्युस्तद्रूपैकपिपासया ॥३५।। तेषां पीतेऽपि तद्रूपे तत्पिपासा न्यवर्ति न । नातो निवर्तयामासुः स्वानांसि स्पर्द्धयेक्षिणः ॥३६।। तेषां मनांसि चडूंषि तामभाक्षुः समन्ततः । अनांस्यथोत्पथेऽभाक्षुर्विषमे दृषदाकुले ॥३७॥ अत्रुटन्नायसा बन्धा अस्फुटन् सपिषा घटाः । अलुठन् भुवि सीषि व्यलक्ष्यन्त ततश्च ते ॥३८॥ तस्या अशकटेत्याख्यामकुर्वन्त च तत्पितुः । अशकटापितेत्याहुः को रुणद्धि नृणां मुखम् ? ॥३९।। तादृग्व्यतिकरालोकविगलद्रागबन्धनम् । विमर्शमकरोदेवं मनस्यशकटापिता ॥४०॥
Jain Education International 2010_02
For Private & Personal Use Only
www.jainelibrary.org
