________________
१२०
आक्षेप्येति प्रत्यवन्ति सैन्यार्थमुपचक्रमे । आगादवन्तिसेनोऽपि तावद् वीरचमूचयः ||२६|| क्षिप्रं संवेष्ट्य कौशाम्बीं स्थितः स्थाममदोद्धरः । मणिप्रभोऽपि तत्सैन्यं तृणं मेनेऽखिलं तदा ||२७|| दुर्गसामर्थ्यनिर्भीकञ्चक्रे सङ्ग्रामकोविदम् । चतुरङ्गचमूचक्रं दुर्गस्थायी मणिप्रभः ॥ २८ ॥ तदा च नगरीरोधव्याकुलो निखिलो जनः । खातोत्खातादिकं कुर्वन् कृत्यान्यपि न चास्मरत् ||२९|| नीहाराहारसङ्कोचात् तदा मुनिजनोऽपि हि । वैमनस्यं परं प्राप पश्यन् व्रतविराधनाम् ॥३०॥ न तदाऽनशनस्थस्य धर्मघोषमुनेरपि । तपसः कोऽपि पप्रच्छ सुखवार्तादिकं जनः ॥३१॥ पूजाकाम्यस्ततो निन्दन् जनतां तदकारिणीम् । मृतः स लोष्टुवल्लोकैर्बहिर्वप्रान्निचिक्षिपे ॥३२॥ बान्धवौ युध्यमानौ तौ मत्वा सा धारिणी मिथः । ज्यायस्यार्यामनुज्ञाप्यायासीदुपमणिप्रभम् ॥३३॥
सर्वस्वरूपमावेद्य रणो युक्तो न बन्धुना । इत्युक्तोऽप्यभिमानेन यावन्नैष न्यवर्तत ||३४||
ततोऽवन्तीपतेः पार्श्वमागत्यैतन्यवेदयत् । सोऽपि सङ्ग्रामसंरम्भं मुक्त्वा तत्सम्मुखं ययौ ॥३५॥ कुलदेव्यः प्रसेदुर्मेऽधुना बान्धवलाभतः । इत्युच्चरन्तमागत्य तमालिङ्गन्मणिप्रभम् ॥३६॥ मुक्त्वा मानमुभौ स्नेहनिर्यदश्रुभृतेक्षणौ । गाढालिङ्गनतोऽप्युच्चैः परं सन्तोषमापतु ||३७||
उत्तरज्झयणाणि - १
आगत्य नगरीमध्यं महोत्सवपुरस्सरम् । कियतोऽपि दिनान् स्थित्वा प्रत्यवन्ति प्रचेलतुः ||३८|| तदाग्रहाद् व्रतिन्योऽपि सह ताभ्यां प्रतस्थिरे । वत्सगासरितस्तीरे तस्थुर्विश्रामहेतवे ॥३९॥
For Private & Personal Use Only
Jain Education International 2010_02
www.jainelibrary.org
