________________
११९
द्वितीयं परीषहाध्ययनम्
तामर्थयाञ्चकारासौ दूतीवक्रेण कामुकः । अहो ! स्मरसुरामत्तस्तत् किं यद् न विचेष्टते ? ।।१२।। धारिण्युवाच ही ! धर्मानपेक्ष्यो यदि भूपतिः । तत् किं भ्रात्रनपेक्ष्योऽभूद् यन्मामथ बुभुक्षति ॥१३।। इतो दूत्योक्तमाकर्ण्य राजाऽपि गतचेतनः । जघान बान्धवं सद्यस्तमुपायेन केनचित् ॥१४॥ गर्भाङ्करवती पत्नी शीलरक्षकत्परा ।। कौशाम्ब्यामविलम्बेनागमत् सार्थेन केनचित् ॥१५।। आर्याप्रतिश्रये तत्र धामाकर्ण्य देशनाम् । अनावेद्य निजं गर्भं त्वरितं व्रतमग्रहीत् ॥१६।। अथैधमानतद्गर्भा प्रवर्तिन्या गृहान्तरे । रहोऽस्थापि क्रमात् तत्र सुषुवे सुतमद्भुतम् ॥१७॥ अयं सुतो हि संयत्या इति माऽपवदेज्जनः । नृपाङ्गणेऽमुचन्नाममुद्राङ्कमिति सा निशि ॥१८॥ प्रत्याय्यत मृतो जातस्तथेत्युक्त्वा प्रवर्तिनी । जितसेनो नृपोऽपश्यत् तं च दीप्तमणिप्रभम् ।।१९।। निजपत्न्यै विपुत्रायै पुत्रत्वेन तमार्पयत् । गूढगर्भाऽभवद् राज्ञी प्रकाश्येति जनेऽखिले ॥२०॥ पुत्रजन्मोत्सवं कृत्वा नाम्ना चक्रे मणिप्रभम् । मृते राज्ञि वयःप्राप्तो राजाऽजनि स दुर्द्धरः ॥२१।। अथवान्तीश्वरो भ्रष्टो धारिण्यनुज़योरहम् । पापपात्रं प्रवृत्तश्चेत्यासीद् निविण्णमानसः ॥२२॥ भ्रातृजावन्तिसेनं तं नृपीकृत्य निजे पदे । भवभीरुतं लात्वा योगसाम्राज्यमन्वशात् ।।२३।। प्रौढप्रभोऽवन्तिसेनोऽन्यदाऽभाणीन्मणिप्रभम् । दूतास्येन क्रमायातं दण्डं देहि सुनिश्चितम् ॥२४॥ प्रत्यूचे सोऽपि दास्यामि तव मूनि निजं क्रमम् । दण्डं लास्यामि निर्व्याजं तवाहं भव माऽऽकुलः ॥२५।।
Jain Education International 2010_02
For Private & Personal Use Only
www.jainelibrary.org
