________________
उत्तरज्झयणाणि - १ अल्पेच्छोऽगृध्नुर्धर्मोपकरणमात्रेच्छः । अज्ञातो जात्यादिभिरेषत्युञ्छति पिण्डादीन्यज्ञातैषी । अलोलुपः सरसाहारेषु न लाम्पट्यवान् । रसेषु मधुरादिषु न गृध्येन्नाभिकाङ्क्षत, तथा नानुतप्येत नृपादिभिः सत्क्रियमाणानन्यतीर्थिकानवेक्ष्य किमहमेषां मध्ये प्रव्रजित इति पश्चात्तापं न कुर्यात्, प्रज्ञावान् हेयोपादेयविवेचनमतिमानिति साधुना च सत्कारे परितोषं न्यक्कारे च द्वेषमकुर्वता सत्कारपुरस्कारपरीषहोऽध्यासितव्योऽन्वयव्यतिरेकाभ्यां धर्मयशोधर्मघोषमुनिवत् । तथाहि—
११८
कौशाम्ब्यां जितसेनाख्यो भूपो भार्याऽस्य धारिणी । आचार्या धर्मवस्वाख्या वार्द्धक्ये तत्र संस्थिताः ॥ १॥ धर्मघोषो धर्मयशास्तद्विनेयौ बहुश्रुतौ । जेष्ठां संलेखनां कृत्वा जज्ञातेऽनशनोन्मुखौ ॥२॥ इतश्च निर्भयानाम्नी सङ्घानुज्ञां तपोधना । गृहीत्वाऽनशनं भेजे चिरं पूजामवाप च ॥३॥ गताया अपि देवत्वं तस्याः सङ्घः कलेवरम् । पूजयामास पुष्पाद्यैर्महीयोमहिमां व्याधात् ||४|| धर्मघोषोऽथ तद् दृष्ट्वा दध्यौ धन्येयमार्यिका । जीवन्त्याश्च मृतायाश्चेदृशी यस्याः प्रभावना ॥ ५॥ पुरेऽत्रानशनं कुर्वे पूजामाप्स्ये ऽहमद्भुताम् । मृत्यावपि यशः कायः स्थिरीकार्यो महात्मभिः ||६|| इति तत्र स तच्चक्रे मुनिधर्मशास्त्विदम् । व्यचिन्तयज्जनज्ञातधर्मेण मम किं मुधा ? ||७|| गत्वैकान्ते तदाध्यास्ये ध्यात्वेत्यापृच्छ्य सद्गुरुम् । वत्सगासिन्धुतीरस्थगिरिदर्यामुपागमत् ॥८॥ पादपोपगमं लात्वाऽनशनं तत्र निःस्पृहः । एकाकी सुस्थितध्यानोऽर्हल्लीनोऽस्थाद् महामनाः || ९ || इतोऽवन्त्यां महापुर्यां प्रद्योतान्वयदीपकः । अवन्तिवर्द्धनो राजाऽस्यानुजो राष्ट्रवर्द्धनः ||१०|| धारिणीदयिताजातः सुतोऽस्यावन्तिसेनकः । वनेऽनुजप्रियां दृष्ट्वाऽन्यदा राजाऽन्वरज्यत ॥ ११॥
For Private & Personal Use Only
Jain Education International 2010_02
www.jainelibrary.org
