________________
११४
उत्तरज्झयणाणि-१ भवत्पार्श्वप्रवर्ती स्यां क्षमः कारिमारणे । स्वपक्षान्तर्गतो वीरो द्विगुणं बलमश्नुते" ॥७॥ "पितरावाहतुर्वत्स ! किमित्युत्सुकतां गतः ? । बालोऽसि बत वार्द्धक्ये सममेव यतिष्यते ॥८॥ सोऽप्याह न हि मे मैत्री कृतान्तेन प्रवर्तते । कूपान्निर्गच्छतो विघ्नः शत्रोरपि न युज्यते ॥९॥ सा प्रसूः स पिता पुत्रपथ्यायोद्यच्छतोऽत्र यौ । बलादेवमनुज्ञाप्य पितृन् स व्रतमाददे" ॥१०॥ उपस्थविरमभ्यस्तश्रुतसारः क्रियोद्यतः ।। अनुस्यूततप:शक्ति सत्त्वनिर्बन्धबन्धुरः ॥११॥ प्रपन्नवानथैकाक्यं विहरन् क्रमशोऽन्यदा । वैरिराज्ये चर इति बबन्धेऽसौ विपक्षगैः ॥१२॥ पृष्टः केन नियुक्तोऽसि कः कस्यास्यागतः कुतः ? । भगवान् सोऽपि नादत्त मौनी प्रत्युत्तरं मुनिः ॥१३॥ ततो रुष्टैरनार्यस्तैनियन्त्र्याजिनबन्धनैः । कुशैस्तीक्ष्णैः परीवेष्ट्य क्षारकूटे निचिक्षिपे ॥१४।। तोद्यमानः कुशैस्तीत्रैर्निर्गच्छद्रुधिराविलः । सेहे स वेदनां सम्यग् न विषादवशेऽपतत् ॥१५॥ "दध्याविति सुधीः स्वान्तेऽदभ्राः श्वभ्रोदरे पुरा । वज्र-शूलादिजा: पीडा अनुभूता इतोऽधिकाः ॥१६॥ प्रदीप्ताङ्गारपूर्णेषु वज्रकुण्डेष्वसन्धिषु । कूजन्ननेकश: श्वभ्रे दग्धोऽहं नरकाग्नि ॥१७॥ अग्निभीतो रयाद् धावन् गतो वैतरिणी नदीम् । पयःपिपासया विस्त्रक्षाराम्भस्यपतं ततः ॥१८॥ क्षारदग्धशरीरश्च मृतो वेगोत्थितः पुनः । छायाऽर्थी हीनदीनोऽहमसिपत्रवनान्यगाम् ॥१९॥ शक्त्यष्टि-प्रास-कुन्तैश्च खड्ग-तोमर-पट्टिशैः । छिन्नोऽहं कृपणस्तत्र पतद्भिर्वातकम्पितैः ॥२०॥
Jain Education International 2010_02
For Private & Personal Use Only
www.jainelibrary.org
