________________
१११
द्वितीयं परीषहाध्ययनम्
द्वौ सौ तां न सेहाते जयदत्त-जयाभिधौ । स्वल्पे हि गुणसोढार: सुरेषु मनुजेष्वपि ॥२३॥ साक्षादिन्द्रं प्रतिज्ञाय भुवमाहत्य पाणिना । तदभिग्रहविध्वंसबद्धकक्षौ दधावतुः ॥२४॥ तत्र धन्वन्तरीभूय विप्रपुत्रमवोचताम् । धीमन् ! प्रगुणयावस्त्वां कुरुषे यदि भेषजम् ॥२५॥ हे वैद्यौ ! वदतां तावत् कीदृशं हि तदौषधम् ? । रुजः का वा प्रशाम्यन्तीत्यवदद् देवगुप्तभूः ॥२६॥ भद्रादिमे निशायामे कार्यं मध्ववलेहनम् । तथा च चरमे जीर्णमदिरापानपूर्वकम् ॥२७॥ भोक्तव्यं करमाकण्ठं नवनीत-पलान्वितम् । भविताऽऽरोग्यमेवं ते तावदः प्रोचतुस्तमाम् ॥२८॥ देवगुप्तसुतोऽवोचद् वैद्यावात्तव्रतोऽस्म्यहम् । तन्मे न खलु कर्तव्यं यत्र प्राणिवधो भवेत् ॥२९।। नवनीते बहिस्तक्रात् पिशिते मधु-मद्ययोः । उत्पद्यन्ते विपद्यन्ते तद्वर्णाः सूक्ष्मजन्तवः ॥३०॥ तदेतदौषधाधानाद् विराध्यानेकदेहिनः । यदारोग्यमहं मन्ये तन्महारोगतोऽधिकम् ॥३१॥ तौ सुरौ पुनरूचाते मूढ ! चेतयसे न किम् ? । स्वाङ्गं रक्ष्यं भवेत् पश्चात् प्रायश्चित्तं समाचरेः ॥३२॥ आर्तध्यानेन मरणं स्याद् यथा मा कृथास्तथा । बालैतदनुपात्येव नागमः कि विभाव्यते ? ॥३३॥ सव्वत्थ संजमं संजमाओ अप्पाणमेव रक्खिज्जा । मुच्चइ अइवायाओ पुणो विसोही न याविरई ॥३४॥ विप्रसूरभ्यधाद् वैद्यौ ! प्रागेवाकरणं वरम् ।
शुद्धौ पश्चाद् विधेयायां पङ्कस्पर्शेन किं मुधा ? ॥३५॥ १. सर्वत्र संयम संयमादात्मानमेव रक्षेत् ।
मुच्यतेऽतिपातात् पुनर्विशोधिर्न चाविरतिः ॥
Jain Education International 2010_02
For Private & Personal Use Only
www.jainelibrary.org
