________________
द्वितीयं परीषहाध्ययनम्
१०९ माणं खुर्यस्मात् तस्य श्रामण्यं यन्न कुर्याद् न कारयेदुपलक्षणाद् नानुमन्येतार्थाच्चिकित्सां जिनकल्पिकापेक्षमेतत् । स्थविराणां तु 'जं न कुज्जा' इत्यादिनोत्सर्गतस्त्याज्या सावद्यत्वात् प्रायश्चिकित्साया अपवादतः पुष्टालम्बनानामेषां सावद्याऽप्येषाऽनुमतैव । यत:
"काहं अच्छित्तिं अदुवा अहीहं तवोवहाणेसु य उज्जमिस्सं । गणं च नीई वि सारविस्सं सालंबसेवी समुवेइ मोक्खं ॥१॥ एवं च रोगपरीषह: सह्य आरोग्यद्विजवत् । यथा
अवन्त्यां देवगप्ताख्यो विप्रो नन्दाऽस्य गेहिनी । साऽन्यदा सुषुवे पुत्रं शैशवादपि रोगिणम् ॥१॥ तद्रोगतः सचिन्ताभ्यां पितभ्यां नास्य निर्ममे । अभिधानं प्रथा त्वासीद् रोगीत्यस्य स्वयं जने ॥२।। बहवोऽपि प्रतीकाराः पितृभिश्चक्रिरेतराम् । गदध्वंसाय पुत्रस्य नोपशान्तस्तथाऽपि सः ॥३।। यदभावि न तद् भावि भावि चेद् न तदन्यथा । तेऽदो रसायनं पीत्वा स्वसमाधानमादधुः ॥४॥ मुमुक्षुरेकदा कोऽपि भिक्षाऽर्थी तद्गृहेऽविशत् । निर्दम्भः परमानन्दकन्दाम्भोदसहोदरः ।।५।। सोऽभाषि देवगुप्तेन प्रपात्य पदयोः सुतम् । प्रसद्योपदिश स्वामिन् ! रुक्शमोपायमस्य नः ॥६॥ भिक्षोभिक्षोपयातस्य वक्तुं भद्र ! न साम्प्रतम् । इत्युक्त्वा प्रासुकं भक्तमादायैष न्यवर्तत ।।७।। सोऽप्यानुपदिकस्तस्य गत्वोद्यानमवन्दत । कृताहारं मुनि पुत्रयुक्तः पूर्ववदभ्यधात् ॥८॥ "मुनिरुत्तरयामास कमैव रुजि कारणम् ।
विधेयः कारणध्वंसस्तदुच्छेदाय धीधनैः ॥९॥ १. करिष्येऽच्छित्तिमथवाऽधीष्ये तपोपधानेषु चोद्यस्ये ।
गणं च नीत्याऽपि सारयिष्ये सालम्बसेवी समुपैति मोक्षम् ॥१॥
Jain Education International 2010_02
For Private & Personal Use Only
www.jainelibrary.org
