________________
१०६
उत्तरज्झयणाणि-१ एकां हलीषां प्रत्येकं बलादपि कृषीवलैः । सोऽदापयन्निजक्षेत्रे पीडितैः प्रबलक्षुधा ॥३५॥ तत्प्रत्ययमसौ कर्म बद्धवानान्तरायिकम् । निर्द्धर्मश्च क्रमाद् मृत्वा श्वभ्रेऽसौ नारकोऽभवत् ॥३६।। ततोऽप्युवृत्य तिर्यक्षु भ्रान्त्वाऽन्यासु गतिष्वपि । नरीभूय शुभं किञ्चिच्चिकाय विनयादिकम् ॥३७|| तत्प्रत्ययादुपेन्द्रस्य नन्दनोऽजनि ढण्ढणः । स त्वं न लभसे भिक्षामुदीर्णतददृष्टतः ॥३८।। स्वकर्मवैर्यसौ दुष्टस्तपस्तीक्ष्णतरासिना । दत्तेऽनुपहतो दुःखप्रबन्धमनुजन्मनि ॥३९।। श्रुत्वेत्यर्हद्वचोमन्त्रं प्रादुर्भूतातिशक्तिकः । भोक्ष्येऽन्यलब्धिलब्धं नो भैक्ष्यं सोऽभ्यगृहीदिति ॥४०॥ महाभट इवालाभवैरिणा नाभ्यभूयत । भवेऽभ्यवहृतं भूय इत्युपैक्ष्यत तं मुनिः ॥४१॥ अलाभेऽपि परिभ्राम्यन् न व्यषीदन्मनागपि । शूरैरेव हि जीयेत न विषादपरैररिः ॥४२॥ दृढाभिग्रहमारूढो विचरन्नर्हता समम् । कदाऽपि पुनरभ्यायाद् द्वारावत्यां महामनाः ॥४३॥ इभ्यो जनः पितू राज्यं प्रायशः स्वजनाः समे । तथाऽप्येष भ्रमन् भैक्ष्यं मुनिस्तत्रापि नाप सः ॥४४॥ चे चक्रुरतिवात्सल्यं तनुजेष्विव साधुषु । आस्तिकास्तेऽपि तं वीक्ष्य वीक्षन्ते स्म पराङ्मुखम् ॥४५।। वीर्यवान् कर्मघातार्थं चचारैवैष गोचरे । भ्रान्त्याऽपि न तु कोऽप्यस्मै कदाचित् किञ्चिदप्यदात् ॥४६।। क्षुत्क्षामश्चेतसा तुष्टः प्रयतो विनयी नयी । वासरानतिचक्राम सत्त्ववान् केशरीव सः ॥४७।। नत्वाऽन्यदा जिनं विष्णुः पप्रच्छ स्वच्छधीरदः । को दुष्करक्रियाधाता श्रमणोऽथ जिनोऽवदत् ॥४८॥
Jain Education International 2010_02
For Private & Personal Use Only
www.jainelibrary.org
