________________
१०४
अच्युतादिभिरत्यन्ताह्लादौच्छ्वसितकण्टकैः । शुश्रूषुभिः क्षणादेव श्रीनेमिः पर्यचार्यत ||७|| व्याख्यानावसरे नेतुर्वक्त्रमिद्धद्विजांशुकम् । शीतांशुरोचिषा मिश्रं नीलोत्पलमिवाचकात् ॥८॥ " आदिदेश प्रभुः प्रौढाम्भोदगम्भीरया गिरा । निगृह्णीध्वं निगृह्णीध्वमान्तरारिचयं जनाः ! ||९|| मया निष्कण्टकं राज्यं कृतमित्यात्मचेतसि । चक्रिणाऽपि न वै चिन्त्यं तस्य शत्रुजयः कुतः ? ॥१०॥
यथा यथा महाऽऽरम्भः शत्रुपुष्टिस्तथा तथा । तत्पोषाच्चास्य दौर्बल्यं ततः कष्टपरम्परा ॥ ११ ॥
उत्तरज्झयणाणि - १
राज्यतारुण्यमदिराविलुप्तोज्ज्वलचेतनाः । किन्त्वदो नावबुध्यन्ते तत्त्वं तैमिरिका इव ॥ १२॥ सुखधीस्तात्त्विके दुःखे नात्मन्यात्मीयधीर्नृणाम् । अशुचौ भृशमासक्तिरहो ! मोहारिचेष्टितम् ॥१३॥ भटाः सहस्रयोद्धारस्तिष्ठन्त्यत्र सहस्रशः । सभायां मोहजेताऽपि कोऽप्यस्तीति निवेद्यताम् ||१४|| यस्य क्लेशमुमुक्षाऽस्ति मोहशत्रुं जयत्वसौ । विरतेरपरो नास्ति तस्योपायो निषूदने ॥१५॥ मानुषं जन्म सामर्थ्यं विज्ञानं विशदं गुरुम् । प्राप्य सीदति यस्तत्र स नन्वनु विषीदति ॥ १६ ॥ जेष्यतेऽसाविदानीं किं ? जयोपायेन तस्य नः । इयं चिन्ता तु मोहस्य निश्चितं परिपुष्टये ॥ १७॥ स एष परमोपाय उपायेष्वखिलेष्वपि । तज्जये विश्वधात्री यज्जैनी दीक्षा प्रपद्यते ॥ १८ ॥ ग्रसते न जरा यावद् यावद् व्याधिर्न वर्द्धते । नेन्द्रियोपद्रुतिर्यावत् शुभं तावत् समाचरेत्" ॥१९॥ आकर्ण्येति वचो जैनं मोहारिगरलं वमन् । उच्चचार गिरं ढण्ढञ्चैतन्यव्यक्तिबन्धुरः ॥२०॥
Jain Education International 2010_02
For Private & Personal Use Only
www.jainelibrary.org
