________________
द्वितीयं परीषहाध्ययनम्
१०१ दृष्ट्वा तं युवती काचित् कामं कामग्रहार्दिता । क्वाहं का किं ? विधाताऽस्मीत्येवं नैव विवेद सा ॥३१॥ युग्मम् उपकूपतटं बाला बालं मुक्त्वा कटीगतम् । तदेकविषयन्यस्तनेत्राऽऽसीच्चित्रितेव सा ॥३२।। जलार्थिनी घटभ्रान्त्या रज्जु बालगले न्यधात् । स्मेरस्मरसुरासक्तस्तत् किं यद् न विचेष्टते ? ॥३३॥ कूपे यावद् न चिक्षेप बद्ध्वा तं विवशाऽर्भकम् । कुम्भपद्योऽपि पूच्चक्रुदृष्टवांस्तत् तपस्व्यपि ॥३४॥ दध्यौ च मम देहोऽपि बभूवानर्थहेतवे । नन्वस्यास्तदलं मेऽथ प्रवेशेन पुरादिषु ॥३५॥ यतोऽन्यस्य भवेत् कर्मबन्धः कृत्यं न तद् मुनेः । वन एव ततो ग्राह्या भिक्षेत्यभ्यग्रहीदयम् ॥३६॥ विनिवृत्य तदैवागात् तुङ्गिशैलतपोवनम् । आत्मानं भावयंस्तस्थौ तपस्वी तत्र साहसी ॥३७।। अन्यदा नृपसौधार्हस्तम्भदारुकृते वने । आययुः शिल्पिनस्तत्र तरूंश्छेत्तुमुपाक्रमन् ॥३८॥ सरलं छिन्नदेशीयं ते मुक्त्वैकं महातरुम् । सामग्रीमधितच्छायं भोजनस्य प्रचक्रिरे ॥३९।। इतो बलर्षिरभ्यागात् तत्र मासमुपोषितः । सरङ्गः स कुरङ्गोऽपि भावभक्त्या तमन्वगात् ॥४०॥ अभ्यागतं मुनि वीक्ष्य प्रोद्भतपुलकाङ्करः । रथकाराधिभूः प्रादुर्भूतभावो व्यचिन्तयत् ॥४१।। मम पुण्योदयः कश्चिदकस्मात् समुपस्थितः । मरुषु स्वस्तरुप्रख्यो यदसाविह दृष्टवान् ॥४२॥ अहो ! रूपमहो ! तेजः कश्चिदन्यादृशः शमः । धन्योऽस्मि मां समभ्येति यदसावशनक्षणे ॥४३॥ प्रतीच्छन्ति न ये भैक्ष्यप्रदानेन तपोधनम् । आगच्छन्तं निधिं त्यक्त्वा भुञ्जते दौस्थ्यमेव ते ॥४४॥
Jain Education International 2010_02
For Private & Personal Use Only
www.jainelibrary.org
