________________
उत्तरज्झयणाणि-१ तेष्वेकः पायसं वीक्ष्य तदादाय पलायितः । क्रन्दन्तश्चार्भकाः सर्वे गत्वा पितरमूचिरे ॥९॥ विप्रस्तत्पूत्कृति श्रुत्वा क्रोधव्यापारुणाननः । अधावत् परिघं हस्ते लात्वा चौरानधिक्षिपन् ॥१०॥ क्रोधभूतग्रहावेशात् त्रिगुणीभूतदोर्बलः । पशूनिव द्रुतं दस्यून् प्रावर्तत विहिंसितुम् ॥११॥ अथ वित्रस्यतश्चौरान स्थिरयंस्तस्करेश्वरः । दधावेऽन्तरभूत् तावद् गौस्तद्गतिविघातिनी ॥१२॥ क्रुधा तीक्ष्णकृपाणैकघातेनैतां द्विधाऽकरोत् । ततोऽभ्यापततस्तस्य विप्रस्यापातयच्छिरः ॥१३।। तदकार्यं समालोक्यान्तर्वत्नी विप्रवल्लभा । पुरोऽभूत् तस्य निस्त्रिंश ! किमेतदिति वादिनी ॥१४|| तस्या ददार कूष्माण्डदारमेवोदरं क्षणात् । द्विधा भूतः स्फुरन् गर्भः पपात च भुवस्तले ॥१५।। चलत्पल्लवसङ्काशं स तं वीक्ष्य वलत्कृपः । हा तात ! तात ! हा मातः ! रुदतश्चेति बालकान् ॥१६॥ दध्यौ दृढप्रहारीति दम्पती हा ! घ्नता मया । शिशवोऽमी हता एव जलशोषाज्झषा इव ॥१७|| युग्मम् हता गौनिहतो विप्रऽन्तर्वत्नी ब्राह्मणी हता । हताश्च शिशवोऽप्येते हाउंहःसर्वस्ववानहम् ॥१८॥ रौद्रोहसाऽमुना मेऽथ प्राप्स्यमाणस्य दुर्गतिम् । को भावी पापमग्नस्य शरणं शरणाथिनः ? ॥१९॥ चिन्तयन्निति वैराग्यवेगभाग वलितो रयात् ।। मुनीन् व्यलोकतोद्याने पापव्याधिभिषग्वरान् ॥२०॥ तांश्च विज्ञपयामास दुर्गदुर्गतिभीरुकः । पापोऽहं दर्शनेऽपि स्यां परेषां पापहेतवे ॥२१॥ येषामन्यतमद् भूयाददभ्रश्वदुःखदम् । तेषामहं विधाताऽस्मि ब्रह्महत्यादिपाप्मनाम् ।।२२।।
Jain Education International 2010_02
For Private & Personal Use Only
www.jainelibrary.org
