________________
द्वितीयं परीषहाध्ययनम्
नायं सुतः परं शत्रुः शैलाश्मकठिनाशयः । न यः सोढव्यथाया मेऽनुमति प्रत्यपालयत् ॥८०॥ सुविनीतेन पुत्रेण यथाऽहं विधिना कृता । निष्पुत्रां स तथाऽकार्षीत् किं न मामवशात्मजाम् ? ॥८१|| इत्यङ्गजवियोगार्ता किञ्चित्कोपवशंवदा । निराधाराऽभवद् मृत्वा सा व्याघ्री गिरिकन्दरे ॥८२।। अथ तावपि निर्ग्रन्थौ चर्ययाऽप्रतिबद्धया । स्मशान-नगर-ग्राम-काननेषु विजह्रतुः ॥८३॥ उत्कटैः कण्टकैः कीर्णां तीक्ष्णाश्मशकलाकुलाम् । शय्यां प्राप्य विशेषेण तस्थतस्तत्र निर्ममौ ।।८४|| सुकोशलोऽधिकं तेपेऽनयोस्तीव्रतमं तपः । रत्नावल्यादि-षष्टादि-षण्मासीक्षपणादि च ॥८५।। तपःप्रभञ्जनेनासौ कर्माभ्रपटलं क्षणात् । मुनिर्विरलतां निन्ये स्वार्थसाधनतत्परः ॥८६॥ इतः प्रववृते प्रावृट् यत्राम्भोदैदिगङ्गनाः । पर्यधाप्यन्त नीलाभ्रसिचयानिव सा द्रुतम् ॥८७।। रविणा सप्रकाशेन किं ? यो निजदिगङ्गनाः । प्रावारकप्रदानेन नोपगृह्णाति तापनः ॥८८॥ इतीव यत्र पाथोदैरभैराच्छाद्य भास्करम् । तथाऽवर्षि यथा मह्याः शान्तस्तापस्तथा दिशाम् ।।८९॥ युग्मम् मेघाम्बु-पूर्वदिग्वात-क्षेत्रबीजादिहेतुभिः । नीलाश्मकुट्टितेवासीद् वसुमत्यङ्करैर्नवैः ॥९०॥ तदा चैतौ मुनिप्रष्ठौ ज्ञात्वा जन्तुविराधनाम् । व्याघ्रीपदाचलोपान्ते कायोत्सर्गेण तस्थतुः ॥११॥ अतिवाहयतश्चातुर्मासं योगमुपोषितौ । प्रदुष्टश्वापदाकीर्णे वने तौ प्रासुकाश्मनि ॥९२॥ एकपादकृतोत्सर्गो वीरासनमुपागतः । चतुर्मास्याः क्रमात् पारं प्राप धन्यः सुकोशलः ॥९३।।
Jain Education International 2010_02
For Private & Personal Use Only
www.jainelibrary.org
