________________
उत्तरज्झयणाणि-१ पुरन्दरोऽपि त्यक्तद्धिर्दत्त्वा राज्यं स्वजन्मने । क्षेमङ्करमुनेः पार्वे निश्चक्राम महायशाः ॥३८॥ सर्वेऽप्यमी अप्रतिबद्धचर्याः स्मशानवन्यागिरिकन्दरादौ । विहृत्य दग्धाखिलकर्मभाराः प्रापुः परानन्दपदं क्रमेण ॥३९॥ अथ कीर्तिधरो वाद्धिमेखलां पालयन् महीम् । रविबिम्बं तमोग्रस्तमन्यदक्षत संसदि ॥४०॥ ध्यातुं प्रववृते चासौ तेजस्वी न हि यत्समः । न भानुः सोऽप्यपाकर्तुं क्षमस्तेजः स्ववैरिणः ॥४१।। एवं कर्मभराक्रान्तः प्राप्तं मरणमात्मनः । न च वारयितुं शक्तश्चक्री देवाधिपोऽपि वा ॥४२॥ अनागते वरं तस्मिस्तद् व्रते व्यवसीयते । इत्यभिप्रेत्य मन्त्रिभ्यः स्वं सङ्कल्पमवेदयत् ॥४३।। प्रोचः सदैन्यमेतेऽपि युक्तं नादोऽधुना प्रभो ! । त्वया विनेयं नाथेन विनश्यत्येव काश्यपी ॥४४॥ तथा च नियतं नाशो धर्मस्यापि भवेद् जने । धर्मनाशाद् न कि नष्टं शाधि राज्यं ततः प्रभो ! ॥४५॥ अवंशपतितं राज्यं मत्सराय महीभुजाम् । तवाङ्गजस्तु न स्वामिन् ! निपुणोऽसि विचार्यताम् ॥४६।। विज्ञोऽथ नृपतिः सन्धां चक्रेऽध्यक्षं सभासदाम् । सुतजन्म समाकादाताऽहं नियमाद् व्रतम् ॥४७।। अथ राज्यभुजस्तस्य क्रमादजनि नन्दनः । सहदेव्या महादेव्याः कुक्षिरत्नं सुकोशलः ॥४८॥ प्रगोप्य मन्त्रिभिः किञ्चित्कालं राज्ञे न वेदितः । न मन्त्रिगोपितं कार्यं गोचरे धुसदामपि ॥४९॥ कुतोऽपि सुहृदो ज्ञात्वा जातं जातं नरेश्वरः । दत्त्वाऽङ्गभूषणान्यस्मै शतग्रामं च पत्तनम् ॥५०॥ पक्षजातं निजं पुत्रं नृपो न्यस्य निजे पदे । धर्मघोषगुरोः सीम्नि धन्यो भेजे तपस्विताम् ॥५१॥ युग्मम्
Jain Education International 2010_02
For Private & Personal Use Only
www.jainelibrary.org
