________________
८७
७||
द्वितीयं परीषहाध्ययनम्
धर्ममेनं समाराध्यावश्यं स्यात् काल्पिक: सुरः । नरत्वाद्याप्य सङ्ख्यातभवैरेव स सिध्यति ॥२४॥ निराकारं यतेधर्म यद्यादत्ते कथञ्चन । कर्ममलं तदा हत्वा प्राप्नोति नियमाच्छिवम्" ॥२५॥ मुनेरदो वचः श्रुत्वा जातश्रद्धो नवो वरः । व्रते दृढमतीभूयाह्लादाद् व्यज्ञपयद् मुनिम् ॥२६॥ तपःपरशुना कर्म लुनामि तृणतुम्बवत् । देहि दीक्षामलं नाथ ! भोगैः पर्यन्तदारुणैः ॥२७॥ तच्छ्रुत्वा विगतानन्दसर्वस्वाऽभून्मनोहरा । उदयोऽवक् परीहासकृतं मा सत्यतां नयेः ॥२८॥ वज्रबाहुरथोवाच हास्येनापि सुहृत् ! कृतम् । पथ्यं सदौषधं पीतं भवत्येव भिदे रुजाम् ॥२९।। मा विलम्बस्व धर्मे तत् भणित्वेति व्रतादृतम् । वज्रबाहुं महोत्साहं व्रतमग्राहयद् मुनिः ॥३०॥ विस्मिता दिवि गीर्वाणाः पुष्पवाईलमादधुः । षड्विंशदुदयाद्यास्ते कुमारा व्रतिनोऽभवन् ॥३१॥ भर्तुर्वियोगदुःखेन सोदरे प्रेमतस्तथा । मनोहराऽप्यभूत् साध्वी तदा तात्कालिकी वधूः ॥३२॥ श्रुत्वाऽङ्गजन्मनो दीक्षां विषण्णो विजयो नृपः । ही ! वधू-वरवीक्षेच्छा कूपच्छायेव मेऽभवत् ।।३३।। यौवनेऽप्यङ्गजन्मा मे विरक्तोऽभूत् तपोधनः । अहो ! निःसत्त्वता काचिदनिर्वाच्या पुनर्मम ॥३४॥ जरया जर्जरो दर्पमुक्तो धवलकुन्तलः ।। गतद्विजोऽपि वैराग्यमधुनाऽपि न यद् भजे ॥३५॥ चिन्तयित्वेति तत्कालं राज्ये न्यस्य पुरन्दरम् । पार्श्वे निर्वाणमोहस्य सोऽपि संयममाददे ॥३६।। पुरन्दरस्य साम्राज्यं प्रतिपालयतोऽजनि । पृथिव्याः कुक्षिसम्भूतः सुतः कीर्तिधराभिधः ॥३७।।
Jain Education International 2010_02
For Private & Personal Use Only
www.jainelibrary.org
