________________
उत्तरज्झयणाणि-१ तस्याः कुक्षौ सुतत्वेन च्युतावेतौ भविष्यतः । अर्हद्दासर्षिदासाख्यौ क्रमाद् रावण-लक्ष्मणौ ॥२१८।। सुन्दराख्यगुरोः पार्वे ज्ञातपूर्वभवस्थिती । धास्यतः शीलसौन्दर्यं सर्वसद्धर्मजीवनम् ॥२१९।। श्रमणोपासकीभूय यास्यतस्तौ च देवताम् । पुनस्तत्रैव मनुजौ मुनिदानपरायणौ ॥२२०॥ हरिवर्षे नरीभूय दैवीभूय पुनः परे । तत्रैव नृपतेः पुत्रौ भवितारौ सुनन्दिनः ॥२२१।। करिष्यतस्तपस्तीवं जयकान्त-जयप्रभौ । देवत्वमानते कल्पे लप्स्येते विभवाद्भुतम् ॥२२२॥ अथ त्वमपि सीतेन्द्र ! च्युतो वर्षेऽत्र भारते । चक्रित्वं प्राप्स्यसे तौ च त्वत्सुतत्वमुपेष्यतः ॥२२३।। तत्र चेन्द्ररथः पूर्वः सुतो भोगरथोऽपरः । तत्राद्यो व्रतसंयोगाद् देवो द्विस्त्रिभविष्यति ॥२२४।। क्रमात् तीर्थङ्करो भावी त्वं चयपि तपोबलात् । वैजयन्तेऽहमिन्द्रत्वं लब्ध्वा निःसीमशर्मणि ॥२२५।। ततो गणधरीभूयार्हतस्तस्यैव सेत्स्यसि । भ्रान्त्वा भोगरथोऽप्युच्चैः कांश्चिच्छुभभवान्तरान् ॥२२६।। पुष्करार्द्धविदेहेषु भोक्ता षट्खण्डमेदिनीम् । भवे तत्रैव चार्हन्त्यं प्राप्य यास्यति निर्वृतिम् ।।२२७ ॥ भोगाभिष्वङ्गतो लब्धास्ताभ्यां श्वधैकवेदनाः । उत्तरोत्तरसौख्यानि प्राप्तौ सद्धर्मतः पुनः ॥२२८।। तद् भोः ! सर्वादरं सेव्यो धर्म एव जिनोदितः । यः सुख-क्लेशवृक्षेषु पयोदद्विरदायते ॥२२९॥ श्रुत्वेति निर्जरास्तुष्टाः सीतेन्द्रोप्यतितुष्टवान् । कृत्वा नन्दीश्वरे यात्रां स्वस्थानेऽगाद् यथासुखम् ।।२३०॥
Jain Education International 2010_02
For Private & Personal Use Only
www.jainelibrary.org
