________________
उत्तरज्झयणाणि-१ इत्युदीर्य युवत्यस्ता गेयं शृङ्गारबन्धुरम् । उपचक्रमिरे गातुं सर्वतो विश्वमोहनम् ॥१९०॥ लास्यं सलीलमेताभिश्चक्रे यत्रोरगेश्वरः । सनुपुरपदाघाताद् मेने मूर्जामवन्ध्यताम् ॥१९१॥ सकटाक्षं प्रियालापं व्यक्तपीनकुचद्वयम् । रामो नृत्यप्रवृत्ताभिर्न ताभिरपि चुक्षुभे ॥१९२।। प्राणेश ! पश्य नो दृष्ट्या सङ्गेनास्मान् कृतार्थय । इत्येतासां प्रियालापा रामे निष्फलतामगुः ॥१९३।। रामस्तु मनसा दध्यावात्मन् ! नारीषु मा मुहः । एता हि कुशलच्छेदे कृपाण्य इव निष्कृपाः ।।१९४।। आसां यो मधुरालापो विषात् सोऽपि विशिष्यते । यदङ्गीकारतोऽमुष्य पतनं नरके ध्रुवम् ॥१९५।। चर्मावनद्धबीभत्समन्दिरेऽशौचसीमनि । योषिद्देहेऽप्यभिष्वङ्गो महामौढ्यनिबन्धनम् ॥१९६।। इत्यनुध्यायतस्तस्य निष्प्रकम्पस्य मेरुवत् । क्षपकश्रेणिरूढस्य निःसङ्गस्य महात्मनः ।।१९७|| शुक्लध्यानाग्निनिर्दग्धाशेषघात्यस्वकर्मणः । द्वादश्यां माघशुद्धायामभूत् केवलमुज्ज्वलम् ॥१९८|| युग्मम् तत्कालं वासवास्तस्य चक्रुः केवलसंविदः । महिमानमानं द्रागानन्दभरभासुराः ॥१९९॥ सीतेन्द्रोऽप्यथ सङ्क्षिप्य मायां स्वं रूपमास्थितः । निजागः क्षमयामास प्रणम्य मुनिपुङ्गवम् ॥२००॥ 'अहो ! मोहो ममाहं यत् त्वां क्षोभयितुमुत्सुकः । वातोल्यत्यन्तवेगापि स्वःशैलं किमु चालयेत् ? ॥२०१॥ प्रियारूपेण नाथ ! त्वमुपसृष्टस्तथा मया । यथा लोहमयोऽप्यन्यो मदनत्वमवाप्नुयात्" ॥२०२।। इत्यभिष्टुत्य सीतेन्द्रोऽपरे स्वर्गवासिनः । मौनं व्याख्यानमाकर्ण्य तुष्टाः प्रापुर्निजं पदम् ॥२०३।।
Jain Education International 2010_02
For Private & Personal Use Only
www.jainelibrary.org
