________________
७६
उत्तरज्झयणाणि-१ चक्रानुगचमूचक्रभारभुग्नोरगेश्वरः । यश्चत्वारिंशदब्दानि चक्रे दिग्विजयं भुवि ॥१३४।। अतो दश सहस्राणि तथा नव शतानि च ।। पञ्चत्रिंशच्च वर्षाणि यः साम्राज्यमपालयत् ।।१३५।। पञ्चविंशतिनिर्मुक्तद्वादशाब्दसहस्रकम् । प्रपूर्यायुः सुखं भुक्त्वा लक्ष्मणो नरकं गतः ॥१३६।। ममासीत् तत्र यः स्नेहबन्धः पूर्वं महत्तरः । ही ! निरर्थक एवायमिदानीं ज्ञायते मया ॥१३७।। समर्थोऽपि जनो बन्धावत्यन्तप्रतिबन्धतः । अश्रद्धानस्तत्त्वार्थं भ्रमत्येवापदाम्बुधौ ॥१३८।। एवं दुःखविमोक्षस्योपायमनुचिन्तयन् । पारणे षष्ठतपसो निरगात् कन्दरोदरात् ॥१३९।। गतो गोचरचर्यायै नगरी स्यन्दनस्थलीम् । मत्तेभगमनः कान्तिनिजितांशुर्मुनीश्वरः ॥१४०॥ आगच्छन्तममुं वीक्ष्य निर्गतः स्वस्वमन्दिरात् । मुमुक्षू वेष्टयामास दिदृक्षुर्नागरो जनः ॥१४१।। साधु साध्विति सालापो बभाषे सकलो जनः । भूषितं सकलं विश्वमनेनाहो ! महात्मना ॥१४२।। युगप्रमितभूभागमात्रस्थापितलोचनः । रूपेण कर्मणा चायं कस्यानन्दमदाद् न हि ? ॥१४३।। रामागमनवार्तायां प्रसृतायां पुरेऽखिले । दिदृक्षुनागरै रथ्याः पूर्णाः खमिव पुद्गलैः ॥१४४|| आदत्ते यत्कराद् भिक्षां धन्योऽसौ भुव्यतो जनाः । मोदकादि समादाय द्वारदेशमुपस्थिताः ॥१४५॥ तदाऽऽसीन्नर-नारीणां तुमुलः कोऽपि हर्षतः । बन्धनादीनि निर्मोच्य येन चेलुर्गजादयः ॥१४६॥ प्रतिनन्दी नृपः श्रुत्वाऽथै व्यतिकरं जनात् । साधुदानकृतश्रद्ध इत्यभाषत मन्त्रिणः ॥१४७।।
Jain Education International 2010_02
For Private & Personal Use Only
www.jainelibrary.org
