________________
द्वितीयं परीषहाध्ययनम्
खचरश्रेणिनिर्मातमहसि श्रमणेश्वरम् । स त्रिः प्रदक्षिणीकृत्य ययाचे व्रतमार्हतम् ।।१२०॥ गुरुणाऽथाभ्यनुज्ञातो रामो वैराग्यपूरितः ।। मोहपाशं लघु च्छित्त्वा सञ्चूर्ण्य स्नेहबन्धनम् ।।१२१॥ मुक्त्वाऽलङ्कारसन्दोहं चतुर्थतपसि स्थितः । । कोमलैः पाणिभिः केशकलापमुदपाटयत् ॥१२२॥ उपसुव्रतनिर्ग्रन्थं निर्ग्रन्थोऽभूद् रघूद्वहः । राज्यद्वयपरीभोगस्तादृशां ह्यौचितीपदम् ॥१२३।। महाव्रतधरः पञ्च समिती: प्रतिपालयन् । गुप्ति दधत् ततो जज्ञे रामो दीक्षाधनो महान् ॥१२४।। पुष्पवृष्टिः कृता देवैर्वादितो देवदुन्दुभिः । सुरभिः पवनो वातः श्रीरामचरणक्षणे ॥१२५।। शत्रुनोऽपि सुतं ज्येष्ठं संस्थाप्याथ निजे पदे । पञ्चेन्द्रियरिपून् जित्वा रामेण व्रतमाददे ॥१२६।। बिभीषणादयस्तेऽपि खचरा वतिनोऽभवन् । षोडशैव सहस्राणि राजानोऽपि महर्द्धयः ॥१२७।। सप्तत्रिंशसहस्राणि तदा राजन्ययोषिताम् । महत्तरायाः श्रीमत्या व्रतमाददिरेऽन्तिके ॥१२८।। षष्टिवर्षाणि गच्छेऽस्थाद् विनीतो गुरुभक्तिभाक् । अथैकाकिविहारित्वं प्रपन्नो गुर्वनुज्ञया ।।१२९।। विविधाभिग्रहग्राही दधत् पूर्वगतश्रुतम् । भावितात्मा तपोलीनो विजहाराममोऽमदः ।।१३०।। क्षमाधरदरीस्थस्याप्रमत्तस्य महात्मनः । समुत्पेदेऽवधिज्ञानं शान्तावरणकर्मणः ।।१३१॥ ददर्शावधिना तेन लक्ष्मणं नरकस्थितम् । बहुशो वेदनाऽऽक्रान्तं कृपयेति व्यभावयत् ॥१३२॥ शतानि सप्त कौमार्ये वर्षाणां योऽत्यवाहयत् । देशाधिपत्यमष्टानां त्रिशती चान्वशात् ततः ॥१३३।।
Jain Education International 2010_02
For Private & Personal Use Only
www.jainelibrary.org
