________________
७४
उत्तरज्झयणाणि-१ कृतान्तमुख इत्याख्यः सोऽहमङ्गीकृतव्रतः । सुरो माहेन्द्र उत्पेदे त्वां संस्मृत्य समागमम् ॥१०६।। देह्याज्ञां भुवने सारं यत् किञ्चिद् वस्तु वर्तते । उपानयामि तत् सर्वं स्वाधीनं सकलं मम ॥१०७।। श्रीरामोऽथाददे वाचं भग्नं रिपुबलं सुरौ ! । उपायैर्बोधितश्चाहं पर्याप्तमियता ननु ॥१०८॥ गतौ श्रीराममापृच्छ्य तौ देवावथ ताविषम् । अग्निसंस्कारमाधत्त पद्मो लक्ष्मणवर्मणः ॥१०९।। संवेगी बन्धुमाकार्य शत्रुघ्नमथ राघवः । स्वीयराज्यधुरादानं ययाचेऽन्वयवत्सलः ॥११०॥ वत्स ! पालय साम्राज्यं सतन्त्रो न्यायसेवधिः । अहं तपोवनं यामीदानीं तुर्याश्रमोचितम् ॥१११॥ अथ विज्ञापयामास शत्रुघ्नो रचिताञ्जलिः । राज्येन दुःखदेनालं त्वमेव गतिरेधि मे ॥११२।। न बन्धुवर्गों नैवार्थो न भोगा न वसुन्धरा । अलं त्राणाय किन्त्वेकस्त्राणकृद् धर्म एव यत् ॥११३॥ शत्रुघ्ननिश्चयं ज्ञात्वा कुमारं लवणाङ्गजम् । प्रातिष्ठिपन्निजे राज्ये स्वकरेण रघूद्वहः ॥११४।। बिभीषणश्च सुग्रीवोऽन्येऽपि भूपाः स्वकात्मजान् । निजे निजे पदे न्यस्य रामभद्रमुपस्थिताः ॥११५।। अर्हद्दत्ताभिधं श्राद्धं साधर्मिकमुपागतम् । पर्यन्वयुक्त सङ्घस्य कुशलं लक्ष्मणाग्रजः ॥११६॥ सोऽप्याह दुःखनिर्मग्ने त्वयि सर्वोऽपि दुःखितः । जनः सङ्घो विशेषेण वात्सल्यमणिसेवधिः ॥११७।। किञ्च स्वामिन्निहोद्यानेऽस्त्यागतश्चारणो मुनिः । सुव्रतस्तदुपान्तेऽस्ति सङ्घो दुःखापनोदकृत् ॥११८।। तच्छ्रुत्वाऽनभ्रवृष्ट्याभं रोमाञ्चिततनुर्बलः । गत्वा सहस्रसाध्वन्तः सुव्रतं मुनिमानमत् ॥११९।।
Jain Education International 2010_02
For Private & Personal Use Only
www.jainelibrary.org
