________________
७३
द्वितीयं परीषहाध्ययनम्
अहं कलेवरस्कन्धः प्रेक्ष्य त्वामपि तादृशम् । गतोऽस्मि परमां प्रीति स्वानुरूपोपलम्भतः ॥९२॥ सर्वेषां बाल-वृद्धानां सर्वेषां शोकशालिनाम् । सर्वेषां निर्विवेकाणामिदानीं त्वं धुरि स्थितः ॥९३।। वचो दैवमदः श्रुत्वा मोहनीये शमं गते । स्मृत्वा गुरुवचः पथ्यं रामोऽभूल्लब्धचेतनः ॥९४॥ क्षुत्-तृषोभॊजने नीरे लब्धे रुजि महौषधे । यादृशी जायते चेष्टा रामस्यासीत् तदेदृशी ।।९५।। भवान्तरमिव प्राप्तो रामो विमलमानसः । भवस्थितिमिति ध्यातुं प्रवृत्तः परमार्थवित् ॥९६।। "अप्राप्तपूर्वमासाद्य मानुषं जन्म दुर्लभम् । अहारयमहो व्यर्थमकृत्वा धर्ममार्हतम् ॥१७॥ आसाद्यन्ते कलत्राणि प्राप्यन्तेऽनेकबान्धवाः । केवलं दुर्लभैकैव बोधिः संसारतारिका" ॥१८॥ प्रबोधाभिमुखं ज्ञात्वा श्रीराममिति तौ सुरौ । स्फोरयन्तौ निजामृद्धिं पुरः प्रादुर्बभूवतुः ॥९९।। पृच्छतश्च समाधिस्ते श्रीरामेत्यथ सोऽभ्यधात् । जिनधर्मवियुक्तस्य मे समाधिः कुतस्तराम् ? ॥१००।। युवां काविति मे ब्रूथः प्रस्तावसमुपस्थितौ । का मया युवयोः प्रीतिर्जटायुस्तयोरवक् ॥१०१॥ जटायुरिति यः पक्षी सीतया चिरलालितः । सीताहरदशास्येन जानास्येव तदा हतः ॥१०२॥ अन्त्यां दशां गतस्यास्य परमेष्ठिनमस्क्रियाम् । यददा राम ! तेनाहं माहेन्द्र निर्जरोऽभवम् ॥१०३।। प्राप्तो नाहमियत्कालं कृतघ्नः सुखलम्पटः । कार्यावसाने त्वायातस्तन्ममागः क्षमस्व भोः ! ॥१०४।। कृपां कृत्वा धराधीश ! किञ्चित् कार्यं समादिश । अथापरः सुरोऽभाणीत् त्वत्सेनानीरहं प्रभो ! ॥१०५।।
Jain Education International 2010_02
For Private & Personal Use Only
www.jainelibrary.org
