________________
खण्ड:-१ गा. २७, २८, २९, ३०
२७-कलहंझाणे [कलहध्याने]
सोम० कलहं झाणे - कलहो वाचिकाराटिः, तस्य ध्यानं कलहध्यानं रुक्मिणीसत्यभामयोर्व्यतिकरे कलहप्रियदुर्योधननृपस्येव कमलामेलादिव्यतिकरे नारदस्येव वा तस्मिन् ।।२७ ।।
गुण. कलहो वाचिकाराटी तस्य ध्यानम् ।।२७।।
२८-जुझंझाणे [युद्धध्याने]
भुव० युद्धं परस्परप्राणव्यपरोपणाध्यवसायो वैरिणां भातृणां विनाशे चेटकेन सह कूणिकनृपस्येव । अङ्गारवत्यादिग्रहणे चण्डप्रद्योतस्येव वा ।२८।।
सोम० जुझं झाणे - युद्धं वैरिणां परस्परं प्राणव्यपरोपणाध्यवसायस्तस्य ध्यानं युद्धध्यानम्, भातृणां विनाशे चेटकेन सह कोणिकनृपस्येव, अङ्गारवत्यादिग्रहणे चण्डप्रद्योतस्येव वा तस्मिन् ।।२८।।
गुण. युद्धं परस्परं प्राणव्यपरोपणाध्यवसायो वैरिणं प्रति ।।२८।।
२९-निजुझंझाणे [नियुद्धध्याने
भुव० निर्गतमधमयुद्धं प्राणप्रहाणरूपं यत्र तन्नियुद्धम् । दृष्टिमुष्ट्यादिभिरेव जयहारिकारकं बाहुबलिभरतयोरिव नियुद्धस्य ध्यानं तस्मिन् । मात्स्यिकमल्लजितस्याट्टनकस्येव वा ।।२९।।
सोम० निजुझं झाणे - निर्गतं युद्धं नियुद्धं प्राणव्यपरोपणरूपं यस्मिन् तन्नियुद्धम्, यष्टिमुष्ट्यादिभिरेव जयाऽजयकारकं तस्य ध्यानं नियुद्धध्यानम्, बाहुबलिभरतयोरिव मात्स्यिकमल्लयुतस्याट्टनस्येव वा तस्मिन् ।।२९।।
गुण निर्गतमधमयुद्धं नियुद्धं दृष्टिमुष्टयादिभिरेव जयहारकारकं बाहुबलिभरतयोरिव ।।२९ । ।
३०-संगंझाणे [सङ्गध्याने] भुव० सङ्गः परित्यक्तेष्वपि पुनः संयोगाऽभिष्वङ्गः । राजीमत्यां रथनेमेरिव, नागिलां प्रति भवदेवस्येव वा ।।३०।।
भुव० संगं झाणे - सङ्गः परित्यक्तेष्वपि पुनःसंयोगाभिलाषस्तस्य ध्यानम्, राजीमत्यां रथनेमेरिव, नागिलां प्रति भवदेवस्येव वा तस्मिन् ।।३०।।
गुण. परित्यक्तेष्वपि पुनः संयोगाऽभिष्वङ्गः ।।३० ।।
Jain Education International 2010_02
For Private & Personal Use Only
www.jainelibrary.org
