________________
खण्ड:-१ गा. १४, १५, १६, १७
.
२९
१४-संकंझाणे [शङ्काध्याने]
भुव० शङ्कनं शङ्का संशयकरणं शङ्का इति वचनात् शङ्काया ध्यानं शङ्काध्यानं तस्मिन् । अव्यक्तवादिनामाषाढाचार्यशिष्याणामिव ।।१४।।
सोम० संकं झाणे - शङ्कनं शङ्का संशयकरणमित्यर्थः, तस्या ध्यानं शङ्काध्यानम् । अव्यक्तवादिनामाषाढाचार्यशिष्याणामिव तस्मिन् ।।१४।।
गुण. संशयकरणं शङ्का ।।१४।।
१५-कंखंझाणे [काङ्क्षाध्याने]
भुव० काङ्क्षणं [काङ्क्षा] "कांखा अनन्नदंसणग्गाहो" इति भणनात् । काङ्क्षाया ध्यानं काङ्क्षाध्यानं तस्मिन् । कविला इत्थंपि इहयंपीति वदतो मरिचेरिव ।।१५।।
सोमo कंखं झाणे - अन्यान्यदर्शनाग्रहः काङ्क्षा तद् ध्यानम्, “कविला इत्थं पि इहयं पि" इति वदतो मरिचेरिव तस्मिन् ।।१५।। गुण. काङ्क्षणं काङ्क्षा अन्यान्यदर्शनाग्रहः ।।१५।।
१६-गेहिंझाणे [गृद्धिध्याने]
भुव० गर्द्धनं गृद्धिः, आहारादिष्वत्यन्तमाकाङ्क्षा । गृद्धानं गृद्धिध्यानं तस्मिन् । मथुरामङ्गोरिव, कण्डरीकराजस्येव वा ।।१६।।
सोम. गेहिं झाणे - गृद्धिराहारादिष्वत्यन्तमाकाङ्क्षा तस्या ध्यानं मथुरामङ्गोरिव कण्डरीकराजस्य मुक्तव्रतस्येव वा तस्मिन् ।।१६।। गुण. गृद्धिराहारादिष्वत्यन्तमाकाङ्क्षा ।।१६।।
१७-आसंझाणे [आशाध्याने]
भव. निष्पाथेयस्य परशम्बललाभप्रार्थनमाशा । आशाया ध्यानमाशाध्यानं तस्मिन् । अलब्धव्येऽपि तस्मिन्नाहाराभिलाष: निघृणशर्मब्राह्मणपाथेयं प्रति मूलदेवस्येव ।।१७।।
Jain Education International 2010_02
For Private & Personal Use Only
www.jainelibrary.org
