________________
आतुरप्रत्याख्यानप्रकीर्णकम् गा.८
भयवं कयसामईओ सव्वं चिय वोसरामि तिविहेणं । सव्वेसिं पाणीणं अइवायं तह मुसावायं ।।५६।। सव्वमदत्तादाणं मेहूण-परिग्गहं निरवसेसं । कोहं माणं मायं लोभं पि जं च दोसं च ।।५७।। कलहं अभक्खाणं परपरिवायं तहा रइअरई । मिच्छादसणसल्लं मायामोसं च पेसुन्नं ।।५८।। इय पावठाणविरओ दुवालसावत्तवंदणं दाऊ । विन्नवइ देहि भयवं विहिपुव्वं अणसणं मज्झ ।।५९।। भवचरिमं पच्चक्खामि जावज्जीवाए तिविहमाहारं । अह चउविहं पि गुरुसक्खियं तु अह सिद्धसक्खिं तु ।।६० ।। जं पिय इमं कुडंबं धणधन्नं दुपयचउपयं अपयं । देसपुरखित्तमाई तंपि हि वोसिरे सव्वं ।।१।। इ8 वत्थाभरणं रहपहरणवाहणाइ उवगरणं । इहभवपरभवियं वा वोसिरियं अज्ज मे सव् ।।१२।। जं च कयं अहिगरणं अरहट्टघट्टजंतबज्झाई । सगडुक्खलसत्त्थाई तं पि य तिविहेण वोसिरियं ।।६३।। पावपसत्ता सयणा अणेगजम्मेसु देहगेहाय । जे आसि अज्ज ते मे वोसरिया तिविह तिविहेण ।।६४।। जं पि य इमं सरीरं पोसियमच्चंतजत्तसारेण । चरमुस्सासेऽवस्सं वोसरियं सव्वहा तं पि ।।६५ ।। दुद्दमइंदियगामे जाइकुलाई य अट्ठमयठाणे । परिहरसु सहसु दुस्सहबावीसपरीसहे वच्छ ।।६६ ।। सुरनरतिरिया य समुब्भवे य चउहा चउब्विहे चेव । उग्गुवसग्गे सहसु य निसग्गवेरग्गरंगिल्लो ।।६७।। जम्हा दुग्गइमूलं संसारपवट्टणारिउपमाओ । तम्हा अन्नाणाई अट्ठविहो सो न कायव्यो ।।६८।।
Jain Education International 2010_02
For Private & Personal Use Only
www.jainelibrary.org
