________________
१६
आतुरप्रत्याख्यानप्रकीर्णकम् गा. ८
जलयरथलयरखयरा निहया मणुयावि मूढहिययेण । वग्घोरगाइं भावंगएण खामेमि ते इहि ।।३०।। जलचारिणो जलंमि गिलियामच्छाइणो भडफडता [?] । थलचारिणो थलंमि चउपय-उर-भूयसप्पाइं ।।३१।। मंसत्थिणाओ गसिया छाग-मिग-सस-महिस-संघराइया । खहचारिणोवि खइया मुगला-बग-तित्तिराइया ।।३२।। गमणागमण-निसीयण-तुयट्टणाईहिं पीडिया जे उ । ते मे खमंतु सव्वं अवराहं संपयं गरुयं ।।३३।। पत्तेण मणुयभावं आरंभपरिग्गहेहिं विविहेहिं । विणिवाइया जिया जे खमंतु ते संपई सव्वो ।।३४।। छुहिया तिसिया संता कसकुसाईहिं निद्दयं जणिउ । जे वाहिया हयाइं करेमि खलु खामणं तेसिं ।।३५ ।। लुद्धय-धीवरभावे निग्घिणहियएण जे मया वहिया । खरकम्मियरुवेणं जे वहिया ते हु खमंतु ।।३६।। नरवइपयपत्तेणं अणेगसंगामकारणाईहिं । संहारो जाणकवसं पइमारिसामि[?]ते सव्वे ।।३७।। अवराहिणो वि पहया पहया पावेण निरवराहा वि । रायसहावे जीवा खमंतु ते सज्झइ त्ताहे [?] ।।३८।। परधणलुद्धेण हया केवि हया परकलत्तरत्तेण । अट्ठाए अणट्ठाए जे निहया ते वि खामेमि ।।३९।। जस्स कयं पेसुन्नं अब्भखाणं पि जस्स मेदिन्नं । धणमाणुसं व हरिउं सोवि खमे सव्वहा खमउ ।।४०।। जो मंतमूलष्वाचुन्नं [?] जण दुट्ठा जागमाईहिं [?] । दुखंमि मए ठविउ तं अवराहं खमउ सो मो ।।४१।। कीलाकज्जे बालेण जोव्वणे केलिदप्पकंदप्पा । जेसिं कउ विणासो खमापरा मज्झ ते इंतु ।।४२।।
Jain Education International 2010_02
For Private & Personal Use Only
www.jainelibrary.org
