________________
खण्ड:-१ गा.८
जयजंतुवच्छला मे अरिहंता मंगलं हवओ पढमं । भववारया विमुक्का सिद्धा मम मंगलं बीयं ।।१७।। गुणगणनिहिणो साहू तईयं ते इंतु मंगलं मज्झ । धम्मो जिणपन्नत्तो चउत्थयं मंगलं होउ ।।१८।। सरणं मम अरिहंता तियसिंद-नरिंदपूयमरिहंता । सरणं तह मे सिद्धा तित्थातित्थाइ जे सिद्धा ।।१९।। पावमलपडलरहिया साहू सरणं करेमिजगमहिया । सरणं मह जिणधम्मे.................... ।।२०।। अह दक्कडायं गरिहे मिच्छत्तउ नाणमोहियमणेण । जाई मए कयाइं [?] पाणिवहाईणि सव्वाणि ।।२१।। जिणभवणबिंबठावण रहजत्ता तित्थजत्ता वच्छल्लो । दाणतवसीलमाई अणुमोए सुकयपुन्नाई ।।२२।। अह तिविहा उच्चरियं सम्मं उच्चरइ अट्ठवि वयाइं । पाणाइवायमाई अणत्थदंडावसाणाईं ।।२३।। साहू पुण पंचमहव्वयाइ उच्चरइ तिन्नि वाराउ । पाणाइवायविरमणमाई निसिभोयणंताई ।।२४।। आसेवियवयभारो रागद्दोसेहि वज्जउ [ज्जिओ] तत्तो । खामेमि रंगजुत्ता सव्वे संसारिणो सत्ता ।।२५।। जे नारय-तिरिय-नरा-ऽमरेसु भमरेण कम्मवसगेण । दुक्खे ठविया जीवा संपइ खामेमि ते सव्वे ।।२६।। नेरइयेण पउसा परमाहम्मिभवंमि पत्तेण । जे मे कयत्थिया नारयाओ ते हं खमावेमि ।।२७।। तिरियत्तं पत्तेणवि एगिदियविगलजीवजोणी । भुत्ता पीया दड्डा बूढा तह चुन्निया जे उ ।।२८।। पंचिदिएण बहुसो रोसेण भीएण छुहतन्हपीडिएणवि ।
..विराहिया जेवि ते खामे।।२९।।
Jain Education International 2010_02
For Private & Personal Use Only
www.jainelibrary.org
