________________
परिशिष्टम् - ३ लहु - आउरपच्चक्खाणं
कोहं ६ सव्वं माणं ७ सव्वं मायं ८ सव्वं लोभं ९ सव्वं पेज्जं १० दोसं ११ कलहं १२ अब्भक्खाणं १३ अरइरई १४ पेसुन्नं १५ परपरिवायं १६ मायामोसं १७ मिच्छादंसणसल्लं १८, इच्चेइयाई अट्ठारस पावट्ठाणाई जावज्जीवाए तिविहं तिविहेणं मणेणं वायाए काएणं, न करेमि न कारवेमि करंतं पि अन्नं न समणुजाणामि, अईयं निंदामि, पडुप्पन्नं संवरेमि, अणागयं पच्चक्खामि तं जहाअरहंतसक्खियं सिद्धसक्खियं साहुसक्खियं देवसक्खियं अप्पसक्खियं सव्वसमाहिवत्तियागारेणं वोसिरामि ।।१०।।
[सु. ११ गा. १२ सरीराइवोसिरणा]
पिय इमं सरीरं इट्ठे कंतं मणुन्नं मणामं नामधिज्जं वेसासियं अणुमयं बहुमयं भंडकरंडगसमाणं रयणकरंडभूयं उवहि व्व सुरक्खियं मा णं सीयं, मा णं उण्हं, मा णं खुहा, मा णं पिवासा, मा णं दंसा, मा णं मसगा, मा णं चोरा, मा णं वाला, मा णं वाइयपित्तिय-सिंभिय-सन्निवाइया विविहा रोगायंका य फुसंतु, इमं पि सरीरं अपिच्छमेहिं ऊसास- नीसासेहिं जावज्जीवाए वोसिरामि त्ति कट्टु जे केइ उवसग्गा दिव्वा वा माणुस्सा वा तिरिक्खजोणिया वा ते सव्वे सम्मं सहियव्वा खमियव्वा अहियासियव्वा तितिक्खियव्वति कट्टु ।।११।।
आहारं उवहिं देहं पुव्विं दुच्चिन्नाणि य ।
अपच्छिमऊसास- नीसासेहिं सव्वं तिविहेण वोसिरे ।। १२ ।। [गा. १३ - १४. अपच्छिमसागार-निरागारपञ्चक्खाणं]
इच्चेइयं निरागारं पच्चक्खाणं तु कित्तियं । कालस्स परिमाणेणं सागारं तं वियाहियं । ।१३।। भावेइ भावियप्पा अणिच्चयाईओ भावणा सव्वा । खामेइ सव्वसत्ते खमइ य सो सव्वसत्ताणं ।। १४ ।।
[गा. १५-२७. सव्वजीवखामणा । संसारम्मि अणंते परिभममाणेण विविहजाईसु । पुढवित्तमुवगणं जे दूमिया ते वि खामि ।। १५ ।। संसारम्मि अणंते परिभममाणेण विविहजाईसु । आउत्तमुवगएणं जे दूमिया ते वि खामेमि ।। १६ ।। संसारम्मि अणंते परिभममाणेण विविहजाईसु । उत्तमुवगणं जे दूमिया ते वि खामि ।। १७ ।।
For Private & Personal Use Only
३२७
Jain Education International 2010_02
www.jainelibrary.org
