________________
३२८
आतुरप्रत्याख्यानप्रकीर्णकम्
संसारम्मि अणंते परिभममाणेण विविहजाईसु । वाउत्तमुवगएणं जे दूमिया ते वि खामेमि ।।१८।। संसारम्मि अणंते परिभममाणेण विविहज़ाईसु । वणस्सइत्तमुवगएणं जे दूमिया ते वि खामेमि ।।१९।। संसारम्मि अणंते परिभममाणेण विविहजाईसु । विगलत्तमुवगएणं जे दूमिया ते वि खामेमि ।।२०।। संसारम्मि अणते परिभममाणेण विविहजाईसु । नरयत्तमुवगएणं जे दूमिया ते वि खामेमि ।।२१।। संसारम्मि अणंते परिभममाणेण विविहजाईसु । तिरियत्तमुवगएणं जे दूमिया ते वि खामेमि ।।२२।। संसारम्मि अणंते परिभममाणेण विविहजाईसु ।। मणुयत्तमुवगएणं जे दमिया ते वि खामेमि ।।२३।। संसारम्मि अणंते परिभममाणेण विविहजाईसु ।। देवत्तमुवगएणं जे दूमिया ते वि खामेमि ।।२४।। इय एग दो य तिण्णि य चउरो पंचिदियत्तजुत्तेणं । नाणाविहनारय-तिरिय-मणुय-देवत्तपत्तेणं ।।२५।। माणसा वयणा काएण दूमिया जे मएऽत्थ संसारे । खामेमि अहं सव्वे, मज्झ वि य खमंतु ते सव्वे ।।२६।। वोलीणाणागय-वट्टमाणकालेसु तिसु वि सत्ताणं ।। जं मण-वइ-काएहिं खामे हं तमिह दुञ्चरियं ।।२७ ।।
[गा. २८-३० अत्ताणुसट्ठी] एको हं नत्थि मे कोइ, न याहमवि कस्सई । एवं अदीणमणसो अत्ताणमणुसासए ।।२८।। एगो मे सासओ अप्पा नाण-दंसणसंजुओ । सेसा मे बाहिराभावा सव्वे संजोगलक्खणा ।।२९।। संजोगमूला जीवेणं पत्ता दुक्खपरंपरा । तम्हा संजोगसंबंधं सव्व तिविहेण वोसिरे ।।३०।।
।। लहु-आउरपञ्चक्खाणं समत्तं ।।
Jain Education International 2010_02
For Private & Personal Use Only
www.jainelibrary.org
