________________
२७६
आतुरप्रत्याख्यानप्रकीर्णकम
५८. कर्मोदयप्रत्ययध्याने श्रीआख्यानकमणिकोसे विष्णोः प्रबन्धः ।
कन्हस्स कालपासेहिं कड्डिओ कलियकंडकोयंडो ।
पत्तो तम्मि पएसे जराकुमारो कयंतो व्व ।।१।। आरोविऊण धणुहरमायन्नं कटिउं कढिणकंडं । कन्हो मिगबुद्धीए विद्धो वामम्मि पायतले ।।२।।
तत्तो भयरहिएणं ससंभमं उट्ठिऊण भणियमिमं । भो भो ! किल केणाहं विद्धो बाणेण पायतले ? ।।३।। ता साहउ नियवंसं नियनामं नियकुलं नियं कज्जं । जेण मए न कया वि हु अयाणिओ पहयपुव्वो त्ति ।।४।। हा हा ! धिसि धिसि ! मम चेट्ठियस्स एसो हु माणुसो कोइ । हरिणजुवाणो न हु होइ एस इय खिज्जिउं बहुयं ।।५।। वंसाइयं च पुच्छइ ता तं उवसप्पिऊण साहेमि ।
भो भो ! अहयं हरिवंससंभवो जायवसगोत्तो ।।६।। नामं जराकुमारो पुहईएक्कल्लवीरचरियस्स । जायववित्थयनहयलमयंकवसुदेवतणयस्स ।।७।।
रुरु-हरिण-सीह-सदूलभीसणे काणणम्मि कण्हस्स ।
जीवियसमस्स रक्खत्थमेत्थ निवसामि अइदुहिओ ।।८।। इयमायन्निय कण्हो जराकुमारो त्ति एस नाऊण । उग्घाडियदुहनियरो एवं भणिउं सढात्तो ।।९।।
ए ! एहि एहि भायर ! परोवयारेक्करसिय ! परिरंभ । एसो सोहं कण्हो तुहमप्पाणस्स वि य दुहओ ।।१०।। तेणुत्तं परिरंभणमुचियं पजलियचियानलस्स महं । निल्लक्खणस्स न उणो पसत्थलक्खणवओ भवओ ।।११।। पियबंधवस्स जीवियसमस्स बारसमवरिसमिलियस्स । कण्हस्स मए भयवं ! विहियमणज्जेण पाहुन्नं ।।१२।। पावस्स किं न निवडइ गयणाओ मज्झ मत्थए वज्जं ! । जइ वा सो वि हु संकइ फंसभयाओ जओ भणियं ।।१३।। एरिसकम्मरयाणं जं न पडइ खडहडंतयं वज्जं ! । तं नूणमिमो चिंतइ छिविउमिमे कत्थ सुज्झिस्सं ? ।।१४।।
Jain Education International 2010_02
For Private & Personal Use Only
www.jainelibrary.org
