________________
१९०
ताविच्छगुच्छसच्छह-सुकंतकुंतलकलावकलियाहिं । छणमयलंछणसच्छह-मुहजोन्हाधवलियदिसाहिं ।। ५० ।।
निम्मलमऊहमुत्ताकलावरेहं तथोरथणयाहिं । सुसिलिट्ठलट्ठमणिकंचि-दामसोहंतरमणीहिं । । ५१ । । वट्टाऽणुपुव्वरंभा -ऽभिरामदिप्पंतजंघजुयलाहिं । चरणपरिलग्गरणझणिर-मंजुमंजीररम्माहिं ।। ५२ ।। अच्चंतविचित्तमहग्घमुल्ल-दोगुल्लवरनियत्थाहिं । मदारकुसुमपरिमल-मिलंतभसलोलिसामाहिं ।। ५३ ।। सुंदेरमणहराहिं, तरुणीहिं परिगतो अणेगाहिं । विज्जाहररायसुओ, अणंगकेऊ त्ति सुपसिद्धो ।।५४।। सिद्धाऽऽययणाइं वंदिऊण, सगिहं पडुच्च वच्च॑तो । मुणिमऽणसणट्ठियं जाणि - ऊण भूमितलमोइन्नो ।।५५।। तो गंगदत्तमऽइभूरि-भत्तिभरनिस्सरंतरोमंचो । सुचिरं थुणिऊण गतो, रामाजणपरिवुडो सपुरं । । ५६ ।। साहू वि तस्स सोहग्ग- मुग्गमऽबलामणोहरणदक्खं । दहुं पडिभग्गमणो, चिंतिउमेवं समाढतो ।। ५७ ।। एस महप्पा एवं, विलासिणीसत्थपरिगओ ललइ । अहयं तु पावकम्मो, तइ तइया ताहिं परिभूओ ।। ५८ ।।
आतुरप्रत्याख्यानप्रकीर्णकम्
ताधी ! निरत्थयं मज्झ, जीवियं दुट्टु, माणुस जम्मं । निरुवहयंऽगो वि तहा, विडंबणं जोऽणुपत्तो म्हि ।। ५९ ।।
कुवियप्पवसगतो, तो जंपइ जइ इमस्स फलमथि । सामन्नस्स तया हं, इमो व्व होज्जामि परजम्मे ।। ६० ।।
एयं नियाणबंधं, काऊण मओ महिंदकप्पम्मि । उववन्नो पवरसुरो, तत्थ य विसए निसेवित्ता ।। ६१ ।। आउगंविगमम्मि चुओ, उववन्नो भूमितिलयभूयाए । उज्जेणीए पुरीए, रन्नो सिरिसमरसीहस्स ।। ६२ ।। भज्जाए सोमनामाए पुत्तभावेण पवरसुमिणेहिं । कयसूओ नीरोओ, समुचियसमए पसूओ य ।। ६३ ।। विहियं बद्धावणयं पत्थावे ठावियं च से नामं । रणसूरो त्ति कमेणं, तारुन्नं पनरऽणुपत्तो ।।६४।। अह पुव्वज्जियनिरवग्ग- हुग्गसोहग्गसंगतो जत्थ ।
सो भइ तत्थ जुवईण, तम्मि निक्खित्तक्खूण ।।६५ ।।
मयणवसविहियबहुहाव-भावविब्भमविलासलीलाण । अवहत्थियलज्जाणं, अवरे विरमंति वावारा ।। ६६ ।। राइसरसेणावइ-महिब्भसामंतमंतिधूयाहिं । एसीऽम्ह पई अहवा वि, हुयवहो इइ वयंतीहिं ।। ६७ ।। उव्वूढो गाढपरूढ-पणयसाराहिं ताहिं समगं च । पंचविहविसयसोक्खं, अणुर्भुजइ दीहरं कालं ।। ६८ ।। मरिउं च भवुत्थसुतिक्ख- दुक्खलक्खाण भायणं भूओ । नियदुव्विलसियवसओ, चिरकालं गंगदत्तो त्ति ।। ६९ ।।
[ संवेगरंगशाला श्लोक ४०९४ तः ४१६२]
Jain Education International 2010_02
For Private & Personal Use Only
www.jainelibrary.org
